رويا 7

¹له دې نه وروسته مې څلور فرښتې ولیدلې چې د ځمکې په څلورو کنجونو کې ولاړې وې او د څلور واړه بادونو مخه یې نیولې وه، ترڅو په ځمکه، بحر او یا په کومه ونه باندې ونه لګیږي.

²بیا ما بله فرښته ولیدله چې د لمرخاته خوا نه راپورته کېدله او د ژوندي خدای مهر ورسره ؤ او په لوړ اواز یې هغو څلورو فرښتو ته نارې ووهلې چې دا اختیار ورته ورکړل شوی ؤ چې ځمکې او بحر ته زیان ورسوي.

³هغې فرښتې وویل: «ترڅو پورې چې مونږ د خدای د خدمتګارانو په تندیو باندې مهر نه وي لګولی، تر هغې پورې ځمکې، بحر یا ونو ته زیان ونه رسوئ.»

⁴بیا مې د هغو کسانو شمېر چې په تندیو باندې یې مهر لګېدلی ؤ، واورېد چې ۱۴۴۰۰۰ ؤ. هغوی د اسراییلو د ټولو قبیلو څخه وو.

⁵دولس زره د یهودا د قبیلې څخهدولس زره د روبین د قبیلې څخهدولس زره د جاد د قبیلې څخه

⁶دولس زره د اشیر د قبیلې څخهدولس زره د نفتالي د قبیلې څخهدولس زره د منسي د قبیلې څخه

⁷دولس زره د شمعون د قبیلې څخهدولس زره د لاوي د قبیلې څخهدولس زره د ایساکار د قبیلې څخه

⁸دولس زره د زبولون د قبیلې څخهدولس زره د یوسف د قبیلې څخهدولس زره د بنیامین د قبیلې څخه.

⁹له دې وروسته مې وکتل او د خلکو یوه لویه ګڼه ګوڼه مې ولیدله چې هېچا نه شو کولای هغه وشمېري. د ټولو ملتونو، قبیلو، قومونو او ژبو نه خلک د تخت په مخکې او د وري په وړاندې ولاړ وو. هغوی سپینې چپنې اغوستې وې او د خرما د ونو څانګې یې په لاس کې وې،

¹⁰او په لوړ اواز یې نارې وهلې: «زمونږ خلاصون د خدای له خوا دی چې په تخت باندې ناست دی او د وري له خوا دی.»

¹¹ټولې فرښتې د تخت، د مشرانو او څلور اسماني موجوداتو ګرد چاپېره ولاړې وې، او بیا د تخت په مخکې پړمخې پرېوتلې او د خدای عبادت یې وکړ

¹²هغوی ویل:«امین! ثنا او صفت او جلال،حکمت، شکرګزاري،عزت، قدرت او قوت دېتل ترتله وي زمونږ د خدای، امین!»

¹³بیا د مشرانو څخه یو تن زما څخه پوښتنه وکړه: «دا خلک چې سپینې چپنې یې اغوستې دي څوک دي او له کوم ځای نه راغلي دي؟»

¹⁴ما ځواب ورکړ: «ښاغلیه، ته پوهېږې.» بیا هغه راته وویل: «دا هغه کسان دي چې د سخت مصیبت څخه تېر شوي دي. هغوی خپلې چپنې د وري په وینو وینځلې او سپین کړي دي.

¹⁵له دې امله دي ولاړ هغوید خدای د تخت په مخکېاو شپه او ورځ کوي خدمت د هغه کور کېچې په تخت باندې ناست دی هغه څوکپه خپل شتون کې به پناه ورکړي هغوی تهاو کوي ساتنه به یې

¹⁶نور به هېڅکله هغوی نه وږي کیږياو هم تږي کیږي به نهزیان به ونه رسوي دوی تهنه لمر او نه سوځوونکې ګرمي

¹⁷ځکه هغه وری چې دی د تخت په منځ کېهغه به کړي د دوی شپونتوباو د ژوندون د اوبو چینو ته به بیایي هغویاو خدای به پاکې ټولې اوښکې کړيد هغوی له سترګو څخه»