Çölde 33

¹Musa bilen Harunyň ýolbaşçylygy astynda tireme-tire ýöreýän ysraýyllaryň Müsürden çykanlaryndan soňky düşlän düşelgeleri şulardyr.

²Musa Rebbiň emri bilen düşlän düşelgelerini her gezek ýazyp belledi. Olaryň düşlän düşelgeleri:

³Ysraýyllar birinji aýyň on bäşine Pesah baýramynyň ertesi güni müsürlileriň gözüniň alnynda arkaýynlyk bilen Ramzes galasyndan çykyp gaýtdylar.

⁴Ol wagt müsürliler Rebbiň gyran nowbahar ogullaryny jaýlaýardylar. Reb hatda olaryň hudaýlaryny-da jezalandyrypdy.

⁵Ysraýyllar Ramzesden çykyp, Sukotda düşlediler.

⁶Soňra Sukotdan çykyp, çölüň gyrasyndaky Etamda düşlediler.

⁷Etamdan çykyp, olar yzlaryna, Bagalseponyň gündogaryndaky Pihahyrota tarap öwrülip, Migdolyň golaýynda düşlediler.

⁸Pihahyrotdan çykyp, deňziň içi bilen çöle tarap gitdiler. Etam çölünde üç günläp ýöräp, Marada düşlediler.

⁹Ysraýyllar Maradan çykyp, Eýlime geldiler. Ol ýerde on iki sany suwly çeşme we ýetmiş sany palma agajy bardy. Olar suwuň başynda düşlediler.

¹⁰Eýlimden çykyp gelip, Gyzyl deňziniň kenarynda düşlediler.

¹¹Gyzyl deňziniň kenaryndan gaýdyp, Sin çölünde,

¹²Sin çölünden gaýdyp, Dopkada,

¹³Dopkadan çykyp gelip, Aluşda,

¹⁴Aluşdan çykyp gelip, Repidimde düşlediler. Ol ýerde halk üçin içmäge suw ýokdy.

¹⁵Soň Repidimden çykyp, Sinaý çölünde,

¹⁶Sinaý çölünden çykyp gelip, Kibrothatawada,

¹⁷Kibrothatawadan çykyp gelip, Haserotda,

¹⁸Haserotdan çykyp gelip, Ritmada,

¹⁹Ritmadan çykyp gelip, Rimmonperesde,

²⁰Rimmonperesden çykyp gelip, Libnada,

²¹Libnadan çykyp gelip, Risada,

²²Risadan çykyp gelip, Kehelatada,

²³Kehelatadan çykyp gelip, Şeper dagynda,

²⁴Şeper dagyndan çykyp gelip, Haradada,

²⁵Haradadan çykyp gelip, Makhelotda,

²⁶Makhelotdan çykyp gelip, Tahatda,

²⁷Tahatdan çykyp gelip, Terada,

²⁸Teradan çykyp gelip, Mitkada,

²⁹Mitkadan çykyp gelip, Haşmonada,

³⁰Haşmonadan çykyp gelip, Moserotda,

³¹Moserotdan çykyp gelip, Beneýagakanda.

³²Beneýagakandan çykyp gelip, Horhagydgatda,

³³Horhagydgatdan çykyp gelip, Ýotbatada,

³⁴Ýotbatadan çykyp gelip, Abronda,

³⁵Abrondan çykyp gelip, Esýongeberde,

³⁶Esýongeberden çykyp gelip, Sin çölünde (ýagny Kadeşde),

³⁷Kadeşden çykyp gelip, Edomyň serhedindäki Hor dagynda düşlediler.

³⁸Ruhany Harun Rebbiň buýrugy bilen Hor dagyna çykdy. Ol şol ýerde ysraýyllaryň Müsürden çykanlaryndan soňky kyrkynjy ýylynyň bäşinji aýynyň birinji güni amanadyny tabşyrdy.

³⁹Hor dagynda ölen Harun bir ýüz ýigrimi üç ýaşyndady.

⁴⁰Negepde ýaşaýan kenganly Arat hany ysraýyllaryň gelýändigi hakda eşitdi.

⁴¹Ysraýyllar Hor dagyndan gaýdyp, Salmonada düşlediler.

⁴²Salmonadan çykyp, Punonda düşlediler.

⁴³Punondan çykyp, Obotda düşlediler.

⁴⁴Obotdan çykyp, Mowap ýurdundaky Iýeý Abarymda düşlediler.

⁴⁵Iýeý Abarymdan çykyp, Dibongatda düşlediler.

⁴⁶Dibongatdan çykyp, Almondyblataýmada düşlediler.

⁴⁷Almondyblataýmadan çykyp, Nebonyň golaýyndaky Abarym daglarynda düşlediler.

⁴⁸Abarym daglaryndan gaýdyp, Iordan derýasynyň boýunda, Ýerihonyň garşysynda ýerleşýän Mowap düzlüginde düşlediler.

⁴⁹Olar Iordan derýasynyň boýunda, Beýtýeşimotdan tä Abelşitime çenli Mowap düzlüginde düşelge gurup oturdylar.

⁵⁰Iordanyň boýunda, Ýerihonyň garşysyndaky Mowap düzlüginde Reb Musa bilen gepleşip, oňa şeýle diýdi:

⁵¹«Ysraýyllara aýt, Iordan derýasyndan geçip, Kengana baranlarynda,

⁵²ýurduň ilatynyň hemmesini kowup çykarsynlar. Olaryň ähli daş we guýma butlaryny döwsünler, sežde edilýän ýerlerini ýok etsinler.

⁵³Ýurdy basyp alyp, ol ýerde mesgen tutsunlar, çünki ony Men olara mülk edip berdim.

⁵⁴Ýurdy bije boýunça tireler arasynda paýlaşsynlar. Uly tirä uly mülk, kiçi tirä-de kiçi mülk berilsin. Kimiň bijesi çyksa, mülk hem şonuňky bolar. Mülk tirelere görä paýlansyn.

⁵⁵Emma ysraýyllar ýerli ilaty kowup çykarmasalar, onda ol ýerde galanlar ysraýyllaryň gözlerine dürtülen iňňe, böwürlerine sanjylan tiken ýaly bolarlar. Ýaşajak ýurtlarynda olar ysraýyllary ezerler.

⁵⁶Men hem olara çekdirjek azaplarymy ysraýyllaryň başyndan indererin». ‎