Zebur 25

¹Ýa Reb, men köňlümi Saňa göge göterýän. ב

²Eý, Hudaýym, men Saňa bil baglaýan; men utanja galmaýyn; duşmanlarym menden üstün çykmasyn. ג

³Saňa intizarlar galmasynlar utanja, nähak ýere hyýanat edýänler galsyn utanja. ד

⁴Ýa Reb, maňa salgy ber Öz ýollaryňy hem-de öwret maňa ýodalaryňy. ה

⁵Meni hakykatyňda ýöret hem maňa öwret, çünki meni halas edýän Hudaý Sen; men uzakly gün Saňa intizardyryn. ז

⁶Ýa Reb, ýadyňa sal merhemetdir wepaly söýgiňi, çünki olar bardyr gadymdan bäri. ח

⁷Ýatlama Sen ýaşlyk günälerimi hem-de bitabynlyk ýodalarymy. Ýa Reb, wepaly söýgiňe görä, Öz ýagşylygyň hatyrasyna ýada sal meni. ט

⁸Reb ýagşy hem-de dogrudyr Ol günäkärlere Öz ýoluny öwredýär. י

⁹Dogry ýola gönükdirýär göwni pesleri Öz ýoluny pespällere öwredýär. כ

¹⁰Onuň ähtiniň düzgünlerini saklaýanlara söýgi bilen wepalylykdyr Rebbiň ähli ýollary. ל

¹¹Ýa Reb, Öz adyň hatyrasyna bagyşla Sen meniň etmişlerimi, çünki uludyr olar. מ

¹²Rebden gorkýan ynsan bar bolsa, Reb oňa öwreder saýlamaly ýoluny. נ

¹³Ol ýaşajakdyr bolelinlikde, ýeri miras alar onuň zürýady. ס

¹⁴Reb Öz niýetini Ondan gorkýanlara aýan eýleýär, Ol olara Öz ähtini bildirýär. ע

¹⁵Gözlerim mydama Rebbe garap dur, çünki Ol aýaklarymy tordan çykarar. פ

¹⁶Maňa öwrül-de, merhemet eýle, çünki men ýalňyz, ezýetlidirin. צ

¹⁷Ýüregimiň gaýgy-hasraty artdy; jebir-jepalarymdan halas et meni. ר

¹⁸Muşakgatym bilen yzama seret hem-de meniň ähli günälerimi öt. ר

¹⁹Gör Sen köpdügini duşmanlyrymyň, olar güýçli ýigrenç bilen ýigrenýär meni. ש

²⁰Janymy gora-da, halas et meni, utanmaýyn, çünki pena edindim Seni. ת

²¹Kämillikdir dogrulyk meni gorasyn, çünki men Saňa intizardyryn.

²²Eý, Hudaý, ysraýyl halkyny ähli muşakgatlardan Sen halas eýle.