Zebur 26

¹Meni akla, ýa Reb, çünki aýypsyz gezdim, bil bagladym Rebbe, yranmaryn men.

²Meni barla, ýa Reb, hem meni derňe, meniň pikirlerimi, ýüregimi syna.

³Çünki söýgiň gözlerimiň alnynda, gezdim men Seniň wepalylygyňda.

⁴Bolgusyzlar bilen men oturmaýaryn, ikiýüzlülere ýaran bolmaýaryn.

⁵Betkärleriň üýşmeleňini ýigrenýärin; erbetleriň ýanynda oturmaýaryn.

⁶Ellerimi ýuwup ýazyksyzlykda, aýlanyp gurbanlyk sypaň daşyndan, ýa Reb,

⁷Saňa şükür nagmasyny aýdýaryn; ähli gudratly işleriňi mälim edýärin.

⁸Ýa Reb, söýýärin mesgen tutan öýüňi hem-de Seniň şöhratyňyň ýaşalgasyny.

⁹Günäkärleriňki bilen bile alma meniň janymy, ganhorlaryňky bilen bile – meniň ýaşaýyşymy.

¹⁰Olaryň elinde haýynlyk bardyr; gollary para-peşgeşden doludyr.

¹¹Men bolsa gezýärin aýypsyzlykda, meni halas et, maňa merhemet eýle.

¹²Tekiz ýerde dur meniň aýagym, Rebbe alkyş aýtjak men jemagatda.