Zebur 87

¹Koragyň nesillerine. Mezmur. Nagma.

²Reb şäheriniň binýady mukaddes daglardadyr. Reb söýýär Ýakup halkynyň ähli mesgenlerini, aýratyn-da – Siýonyň derwezelerini.

³Eý, Hudaý şäheri! Sen hakda şöhratly zatlar aýdylýar. Sela

⁴Reb şeýle diýýär: «Özümi tanaýanlaryň ýanynda Men Rahaby we Babyly agzaýyn, Pilişt, Sur, Efiopiýa ýurtlaryny ýatlaýyn; Diýýärler: „Bu adam Siýonda doglan“».

⁵Siýon babatda şeýle aýdylar: «Bu adam hem, ol adam hem şu ýerde doglan». Beýik Hudaýyň hut Özi ony berkarar eder.

⁶Reb «Bu adam Siýonda doglan» diýip, halklaryň sanawyny ýazanda bellär. Sela

⁷«Meniň ähli gözbaşlarym Siýonda» diýip, bagşylar we tansçylar biragyzdan aýdar.