یشوؔع 12

¹اس ملک کے بادشاہ جنکو بنی اسرائیل نے قتل کرکے انکے ملک پر یرون کے اس پار مشرق کی طرف ارنون کی وادی سے لیکر کوہِ حرمُون تک اور تمام مشرقی میدان پر قبضہ کر لیا یہ ہیں۔

²اموریوں کابا دشاہ سیحون جو جسون میں رہتا تھا اور عروعیر سے لیکر جو وادی ارنون کے کنارے ہے اور اُس وادی کے نیچ کے شہر سے وادی یبوق تک جو بنی عمُون کی سرحد ہے آدھے جلعادپر۔

³اور میدان سے بحرکنرت تک جو مشرق کی طرف ہے بلکہ مشرق ہی کی طرف بیت یسیموت سے ہو کر میدان کے دریا تک جو دریایِ شور ہے اور جنوب میں پسگہ کے دامن کے نیچے نیچے حکومت کرتا تھا۔

⁴اور بسن کے بادشاہ عوج کی سرحد جو رفائیم کی بقیہ نسل سے تھا اور عسارات اور ادرعی میں رہتا تھا۔

⁵اور وہ کوہِ حرمون اور سلکہ اور سارے بسن میں جسوریوں اور معکاتیوں کی سرحد تک اور آدھے جلعاد میں جو حسبون کے بادشاہ سیحون کی سرحد تھی حکومت کرتا تھا۔

⁶انکو خداوند کے بندہ موسی اور بنی اسرائیل نے مارا اور خداوند کے بندہ موسی نے بنی رُوبن اور بنی جد اور منسی کے آدھے قبیلہ کو انکا ملک میراث کے طور پر دے دیا۔

⁷اور یردن کے اس پار مغرب کی طرف بعل جد سے جو وادیِ لبنان میں ہے کوہِ خلق تک جو سعیر کو نکل گیا ہے جن بادشاہوں کو یشوع اور بنی اسرائیل نے مارا اور جنکے ملک کو یشوع نے اسرائیلیوں کے قبیلوں کو انکی تقسیم کے مطابق میراث کے طور پر دے دیا وہ یہ ہیں۔

⁸کوہستانی ملک اور نشیب کی زمین اور میدان اور ڈھلانوں میں اور بیابان اور جنوبی قطعہ میں حتی اور اموری اور کنعانی اور فرزی اور حوی اور یبوسی قوموں میں سے۔

⁹ایک یریحو کا بادشاہ ایک عی کا بادشاہ جو بیت ایل کے نزدیک واقع ہے۔

¹⁰ایک یروشلیم کا بادشاہ۔ایک جرون کا بادشاہ ۔

¹¹ایک یرموت کا بادشاہ ایک لکیس کا بادشاہ۔

¹²ایک عجلون کا بادشاہ ایک جزر کا بادشاہ ۔

¹³ایک دبیر کا بادشاہ۔ایک کا جدر کا بادشاہ۔

¹⁴ایک حُرمہ کا بادشاہ۔ایک عراد کا بادشاہ۔

¹⁵ایک لِبناہ کا بادشاہ ۔ ایک عدُلا م کا بادشاہ ۔

¹⁶ایک مقیدہ کا بادشاہ۔ایک بیت ایل کا بادشاہ ۔

¹⁷ایک تفُوح کا بادشاہ ۔ایک حضرکا بادشاہ۔

¹⁸ایک افیِق کا بادشاہ ۔ایک لشرون کا بادشاہ۔

¹⁹ایک مدون کا بادشاہ ۔ایک حصُور کا بادشاہ۔

²⁰ایک سِمرون مرون کا بادشاہ۔ایک اِکشاف کا بادشاہ۔

²¹ایک تعنک کا بادشاہ۔ایک مجِدد کا بادشاہ۔

²²ایک قادس کا بادشاہ۔ایک کرمل کے یقنِعام کا بادشاہ۔

²³ایک دور کی مرتفع زمین کے دور کا بادشاہ ۔ایک گوئیِم کا بادشاہ جو جلجال میں تھا۔

²⁴ایک تِرضہ کا بادشاہ۔یہ سب اِکتیس بادشاہ تھے۔