نَوحہ 3

¹میں ہی وہ شخص ہوں جس نے اُسکے غضب کے عصا سے دُکھ پایا۔

²وہ میرا رہبر ہوا اور مجھے روشنی میں نہیں بلکہ تاریکی میں چلایا۔

³یقینااُسکا ہاتھ دِن بھر میری مخالفت کرتا رہا۔

⁴اُس نے میرا گوشت اور چمڑ اخشک کردیا اور میری ہڈیاں توڑ ڈالیں۔

⁵اُس نے میرے اِردگرد دیوار کھینچی اور مجھے تلخی ومشقت سے گھیر لیا۔

⁶اُس نے مجھے مُدت دراز کے مُردوں کی مانند تاریک مکانوں میں رکھا۔

⁷اُس نے میرے گرد اِحاطہ بنا دِیا کہ میں باہر نہیں نکل سکتا اُس نے میری زنجیربھاری کردی ۔

⁸بلکہ جب میں پُکارتا اور دُہائی دیتا ہوں تووہ میری فریاد نہیں سُنتا

⁹اُس نے تراشے ہوئے پتھروں سے میرے راستے بند کردئے۔اُس نے میری راہیں ٹیڑھی کردیں۔

¹⁰وہ میرے لئے گھات میں بیٹھا ہوا ہے ریچھ اور کمینگاہ کا شیر ببر ہے۔

¹¹اُس نے میری راہیں کج کر دیں اور مجھے ریزہ ریزہ کرکے برباد کر دیا

¹²اُس نے اپنی کمان کھینچی اور مجھے اپنے تیروں کا نشانہ بنایا ۔

¹³اُس نے اپنے ترکش کے تیروں سے میرے گردن کو چھید ڈالا۔

¹⁴میں اپنے سب لوگوں کے لئے مضحکہ اور دِن بھر اُنکاراگ ہوں ۔

¹⁵اُس نے مجھے تلخی سے بھر دِیا اور ناگدو نے سے مدہوش کیا۔

¹⁶اُس نے سنگریزوں سے میرے دانت توڑے اور مجھے خاکستر یں لٹایا۔

¹⁷تو نے میری جان کو سلامتی سے دُور کر دیا ۔میں خوشحالی کو بھول گیا۔

¹⁸اور میں نے کہا میں نا تواں ہوا اور خدا وند سے میری اُمید جاتی رہی۔

¹⁹میرے دُکھ کا خیال کر ۔میری مصیبت یعنی تلخی اور ناگدونے کو یاد کر۔

²⁰اِن باتوں کی یاد سے میری جان مجھ میں بیتاب ہے۔

²¹میں اِس پر سوچتا رہتا ہوں ۔اِسی لئے میں اُمیدوار ہوں۔

²²یہ خداوند کی شفقت ہے کہ ہم فنا نہیں ہوئے کیونکہ اُسکی رحمت لازوال ہے۔

²³وہ ہر صبح تازہ ہے۔تیری وفاداری عظیم ہے ۔

²⁴میری جان نے کہا میرا نجرہ خداوند ہے !اِسلئے میری اُمید اُسی سے ہے

²⁵خداوند اُن پر مہربان ہے جو اُسکے منتظر ہیں ۔اُس جان پر جو اُسکی طالب ہے۔

²⁶یہ خوب ہے کہ آدمی اُمیددار رہے اور خاموشی سے خداوندکی نجات کا اِنتظار کرے ۔

²⁷آدمی کے لئے بہتر ہے کہ اپنی جوانی کے ایام میں فرمانبرداری کرے۔

²⁸وہ تنہا بیٹھے اور خاموش رہے کیونکہ یہ خدا ہی نے اُس پر رکھا ہے

²⁹وہ اپنا منہ خاک رکھے کہ شاید کُچھ اُمید کی صورت نکلے ۔

³⁰وہ اپنا گال اُسکی طرف پھیر دے جو اُسے طمانچہ مارتا ہے اور ملامت سے خوب سیر ہو۔

³¹کیونکہ خداوند ہمیشہ کے لئے رّد نہ کر یگا۔

³²کیونکہ اگرچہ وہ دُکھ دے تو بھی اپنی شفقت کی فراوانی سے رحم کریگا۔

³³کیونکہ وہ بنی آدم پر خوشی سے دُکھ مصیبت نہیں بھیجتا ۔

³⁴رومی زمین کے سب قید یوں کو پامال کرنا ۔

³⁵حق تعالیٰ کے حضور کسی اِنسان کی حق تلفی کرنا

³⁶اور کسی آدمی کا مقدمہ بگاڑنا خداوند دیکھ نہیں سکتا۔

³⁷وہ کون ہے جسکے کہنے کے مطابق ہوتا ہے حالانکہ خداوند نہیں فرماتا؟

³⁸کیا بھلائی اور بُرائی حق تعالیٰ ہی کے حکم سے نہیں ہے؟

³⁹پس آدمی جیتے جی کیوں شکایت کرے جبکہ اُسے گناہوں کی سزا ملتی ہو؟

⁴⁰ہم اپنی راہوں کو ڈھونڈیں اور جا نچیں اور خداوند کی طرف پھریں ۔

⁴¹ہم اپنے ہاتھوں کے ساتھ دِلوں کو بھی خدا کے حضور آسمان کی طرف اُٹھائیں۔

⁴²ہم نے خطااور سر کشی کی ۔تو نے معاف نہیں کیا۔

⁴³تونے ہمکوقہر سے ڈھاپنا اور رگید ا ۔تو نے قتل کیا اور رحم نہ کیا۔

⁴⁴تو بادلوں میں مستور ہوا تاکہ ہماری دُعا تجھ تک نہ پہنچے ۔

⁴⁵تونے ہمکو اقوام کے درمیان کوڑے کرکٹ اور نجاست سا بنادیا

⁴⁶ہمارے سب دُشمن ہم پر منہ پسارتے ہیں۔

⁴⁷خوف ودہشت اور ویرانی وہلاکت نے ہمکو آدبایا۔

⁴⁸میری دُختر قوم کی تباہی کے باعث میری آنکھوں سے آنسوؤں کی نہریں جاری ہیں ۔

⁴⁹میری آنکھیں اشکبار ہیں اور تھمتی نہیں ۔اُنکو آرام نہیں ۔

⁵⁰جب تک خداوند آسمان پر سے نظر کرکے نہ دیکھے ۔

⁵¹میری آنکھیں میرے شہر کی سب بیٹیوں کے لئے میری جان کو آزردہ کرتی ہیں۔

⁵²میرے دُشمنوں نے بے سبب مجھے پرندہ کی مانند رگیدا۔

⁵³اُنہوں نے چاہ زندان میں میری جان لینے کو مجھ پر پتھر رکھا ۔

⁵⁴پانی میرے سرسے گذُر گیا ۔میں نے کہا میں مر مٹا۔

⁵⁵اَے خداوند میں نے تہ زندان سے تیرے نام کی دہائی دی۔

⁵⁶تونے میری آواز سُنی ہے ۔ میری آہ فریاد سے اپنا کان بند نہ کر ۔

⁵⁷جس روز میں نے تجھے پُکارا تو نزدیک آیا اور تو نے فرمایاکہ ہراسان نہ ہو ۔

⁵⁸اَے خداوند تونے میری جان کی حمایت کی رو اُسے چھڑایا ۔

⁵⁹اَے خداوند تونے میری مظلومی دیکھی۔میرا اِنصاف کر ۔

⁶⁰تونے میرے خلاف اُنکے تمام اِنتقام اور سب منصوبوں کو دیکھاہے۔

⁶¹اَے خداوند تو نے میرے خلاف اُنکی ملامت اور اُنکے سب منصوبوں کو سُنا ہے۔

⁶²جو میری مُخالفت کو اُٹھے اُنکی باتیں اور دِن بھر میری مخالفت میں اُنکے منصوبے۔

⁶³اُنکی نشست وبرخاست کو دیکھ کہ میں ہی اُنکاراگ ہوں ۔

⁶⁴اَے خداوند اُنکے اعمال کے مطابق اُنکو بدلہ دے ۔

⁶⁵اُنکو کوردِل بنا کر تیری لعنت اُن پر ہو

⁶⁶قہر سے اُنکو رگید اور روی زمین سے نیست و نابود کردے ۔