اِمثال 2

¹اے میرے بیٹے !اگرتو میری باتوں کوقبول کرے اور میرےفرمان کو نگاہ میں رکھے۔

²اَیساکہ توحکمت کی طرف کان لگاے اور فہم سے دل لگاے

³بلکہ عقل کو پُکارے اور فہم کے لئے آوازبلندکرے۔

⁴اور اُسکو اَیسا ڈھونڈےجیسےچاندی کواور اُسکی ایسی تلاش کرے جیسی پوشیدہ خزانوں کی

⁵توتوخداوندکے خوف کو سمجھایگا اور خدا کی معرفت کو حاصل کر یگا

⁶کیونکہ خداوند حکمت بخشتا ہے۔علم وفہم اُسی کے منہ سے نکلتے ہیں۔

⁷وہ راستبازوں کے لئے مدد تیار رکھتا ہےاور راست روکے لئے سپر ہے۔

⁸تاکہ وہ عدل کی راہوں کی نگہبانی کرے اور اپنے مقدسوں کی راہ کو محفوظ رکھے۔

⁹تب تو صداقت اور عدل اور راستی کو بلکہ ہر ایک اچھی راہ کو سمجھیگا۔

¹⁰کیونکہ حکمت تیرے دِل میں داخل ہوگیااور علم تیری جٓان کو مرغوب ہوگا ۔

¹¹تمیزتیری نگہبان ہوگی۔فہم تیری حفاظت کریگا

¹²تاکہ تجھے شریر کی راہ سے اور کجگوسے بچائیں۔

¹³جو راستبازی کی راہ کو ترک کرتے ہیں تاکہ تاریکی کی راہوں میں چلیں۔

¹⁴جو بدکاری خوش ہوتے ہیں اور شرارت کی کجروی میں خوش رہتےہیں۔

¹⁵جنکی روشیں نا ہموار اور جنکی راہیں ٹیڑھی ہیں۔

¹⁶تاکہ تجھے بی عورت سے بچائیں یعنی چکنی چپڑی باتیں کرنے والی پرائی عورت سے

¹⁷جو اپنی جوانی کے ساتھی کو چھوڑ دیتی اور اپنے خدا کے عہد کو بھول جٓاتی ہے۔

¹⁸کیونکہ اُسکا گھر موت کی اُتر ائی پر ہے اور اُسکی راہیں پاتال کوجٓاتی ہیں۔

¹⁹جو کوئی اُسکے پاس جٓاتا ہےواپس نہیں آتااور زندگی کی راہوں تک نہیں پہنچتا ۔

²⁰تاکہ تو نیکوں کی راہ پر چلے اور صادقوں کی راہوں پرقائم رہے۔

²¹کیونکہ راستباز ملک میں بسینگے اور کامل اُس میں آباد رہینگے ۔

²²لیکن شیریر زمین پر سے کاٹ ڈالے جٓائینگے اور دغاباز اُس سے اُکھاڑ پھینکے جٓائینگے۔