اِمثال 9

¹حکمت نے اپنا گھر بنا لیا ۔اس نے اپنے ساتوں ستون تراش لئے ہیں۔

²اس نے اپنے جٓانوروں کو ذبح کر لیا اور اپنی مے ملا کر تیار کر لی۔اس نے اپنا دسترخوان بھی چن لیا ۔

³اس نے اپنی سہیلیوں کو روانہ کیا ہے۔وہ خود شہر کی اونچی جگہوں پر پکارتی ہے۔

⁴جو سادہ دِل ہے اِدھر آجٓائے۔اور بے عقل سے کہتی ہے

⁵آؤ!میری روٹی میں سے کھاو اور میر ی ملائی ہوئی مے میں سے پیو۔

⁶اَے سادہ دلو!باز آو اور زندہ رہواور فہم کی راہ پر چلو۔

⁷ٹھٹھاباز کو تنبیہ کرنے والا لعن طعن اُٹھا ئیگا اور شریر کو ملامت کرنے والے پر دھبا لگیگا۔

⁸ٹھٹھا باز کو ملامت نہ کر ۔نہ ہو کہ وہ تجھ سے عداوت رکھنے لگے۔دانا کو ملامت کر اور وہ تجھ سے محبت رکھیگا۔

⁹دانا کو تربیت کر اور وہ اور بھی دانا بن جٓائیگا ۔صادق کو سکھا اور وہ علم میں ترقی کر یگا۔

¹⁰خداوند کا خوف حکمت کا شروع ہےاور اس قدوس کی پہچان فہم ہے۔

¹¹کیونکہ میری بدولت تیرے ایام بڑھ جٓائینگے اور تیری زندگی کے سال زیادہ ہونگے۔

¹²اگر تو دانا ہے تو اپنے لئے اور اگر تو ٹھٹھاباز ہے تو خود ہی بھگتیگا ۔

¹³احمق عورت غوغائی ہے۔وہ نادان ہے اور کچھ نہیں جٓانتی ۔

¹⁴وہ اپنے گھر کے دروازہ پرشہر کی اونچی جگہوں میں بیٹھ جٓاتی ہے

¹⁵تاکہ آنے جٓانے والوں کو بلائےجو اپنے اپنےراستہ پر سیدھے جٓارہےہیں۔

¹⁶سادہ دل ادھر آجٓائیں اور بے عقل سے وہ یہ کہتی ہے

¹⁷چوری کا پانی میٹھا ہے اور پوشیدگی کی روٹی لذیذ

¹⁸پر وہ نہیں جٓانتا کہ وہاں مردے پڑے ہیں اور اس عورت کے مہمان پاتال کی تہ میں ہیں۔