زبُور 121

¹زبُور 121میَں اپنی آنکھیں پہاڑ کی طرف اُٹھاؤں گا میری کُمک کہاں سے آئے گی؟

²میری کُمک خُداوند سے ہے جِس نے آسمان اور زمین کو بنایا ۔

³وہ تیرے پاؤں کو پھسلنے نہ دیگا۔ تیرا مُحافظ اُنگھنے کانہیں۔

⁴دیکھ! اِسرؔائیل کو مُحافظ ن�� اُنگھیگا نہ سوئیگا۔

⁵خُداوند تیرا مُحافظ ہے خُداوند تیرے دہنے ہاتھ پر تیرا سائبان ہے۔

⁶نہ آفتاب دِن کو تجھے ضرر پہنچائیگا نہ ماہتاب رات کو۔

⁷خُداوند ہر بلا سے تجھے محفوظ رکھے گا۔ اور تیری جان کو محفوظ رکھیگا۔

⁸خُداوند تیری آمدورفت میں اب سے ہمیشہ تک تیری حفاظت کریگا۔