Psalmi 53

¹corrupti sunt et abominabiles facti sunt in iniquitate non est qui faciat bonum

²(52:3) Deus de caelo prospexit super filios hominum ut videret si esset intellegens requirens Deum

³(52:4) omnes aversi sunt pariter adheserunt non est qui faciat bonum non est usque ad unum

⁴(52:5) numquid non cognoverunt qui operantur iniquitatem qui comedunt populum meum ut cibum panis

⁵(52:6) Deum non invocaverunt ibi timuerunt timore ubi non est timor quoniam Deus dispersit ossa circumdantium te confunderis quia Deus proiecit eos

⁶(52:7) quis dabit ex Sion salutare Israhel cum reduxerit Deus captivitatem populi sui exultabit Iacob laetabitur Israhel