Psalms 47

¹Alle volke, klap met die hande; juig tot eer van God met ‘n stem van gejubel!

²(47:3) Want die HERE, die Allerhoogste, is gedug, ‘n groot Koning oor die hele aarde.

³(47:4) Hy bring volke onder ons en nasies onder ons voete.

⁴(47:5) Hy kies ons erfdeel vir ons uit, die trots van Jakob wat Hy liefhet. Sela.

⁵(47:6) God vaar op met gejuig, die HERE met basuingeklank.

⁶(47:7) Psalmsing tot eer van God, psalmsing! Psalmsing tot eer van ons Koning, psalmsing!

⁷(47:8) Want God is Koning van die hele aarde; psalmsing met ‘n onderwysing.

⁸(47:9) God regeer oor die nasies; God sit op sy heilige troon.

⁹(47:10) Die edeles van die volke het vergader—’n volk van die God van Abraham; want aan God behoort die skilde van die aarde. Hoog verhewe is Hy!