Psalms 8

¹O HERE, onse Here, hoe heerlik is u Naam op die ganse aarde! U wat u majesteit gelê het op die hemele.

²(8:3) Uit die mond van kinders en suiglinge het U sterkte gegrondves, om u teëstanders ontwil, om die vyand en wraakgierige stil te maak.

³(8:4) As ek u hemel aanskou, die werk van u vingers, die maan en die sterre wat U toeberei het—

⁴(8:5) wat is die mens dat U aan hom dink, en die mensekind dat U hom besoek?

⁵(8:6) U het hom ‘n weinig minder gemaak as ‘n goddelike wese en hom met eer en heerlikheid gekroon.

⁶(8:7) U laat hom heers oor die werke van u hande; U het alles onder sy voete gestel:

⁷(8:8) skape en beeste, dié almal, en ook die diere van die veld,

⁸(8:9) die voëls van die hemel en die visse van die see, wat trek deur die paaie van die see.

⁹(8:10) o HERE, onse Here, hoe heerlik is u Naam op die ganse aarde!