[62] 1 Joni 5

¹O koya yadua e vakabauta ni o Jisu na Karisito e sucu vou mai vua na Kalou, o koya yadua sa lomana o koya sa vakatubura, sa lomani koya talega o koya sa vakatuburi.

²Ena ka oqo eda sa kila ni da sa lomani ira na luve ni Kalou, ni sa lomana na Kalou ka muria na nona i vakaro.

³Oqo na loloma vua na Kalou, me maroroi nona i vakaro. Na nona i vakaro e sega ni dua na kena i colacola.

⁴Ni sa rawai vuravura o koya yadua sa vakasucumi vou mai vua na Kalou. Sa yaco oti na qaqa ka sa vakamalumalumutaki oti kina o vuravura “ e na noda vakabauta.

⁵O cei sa vakamalumalutaki vuravura, o ira duadua ga era vakabauta ni sa luve ni Kalou o Jisu?

⁶O koya sa lako mai ena wai kei na dra; ka sega ni wai walega, ia na wai kei na dra. Sai koya na Yalo Tabu sai vakadinadina kina, baleta na Yalo Tabu na vuni dina.

⁷Ni ratou sa lewe tolu sa tukutuku tiko mai lomalagi: O Tamada, na vosa kei na Yalo Tabu; ratou sa duavata na tolu oqo.

⁸Ka ratou lewe tolu talega sa tukutuku tiko e vuravura: na Yalo, na wai kei na dra; ratou sa dua ga na tolu oqo.

⁹Kevaka eda ciqoma na i tukutuku ni tamata, nai tukutuku ni Kalou e cecere sara, oqo nai tukutuku ni Kalou na nona vakaraitaki Koya na luvena ena veika e vakayacora.

¹⁰O koya e vakabauta na luve ni Kalou sa i vakadinadina bula o koya; ka o koya e sega ni vakabauta na Kalou e sega ni dua na dina e tu vua, baleta ni sega ni vakabauta nai tukutuku sa solia vua na luvena, na Kalou.

¹¹Oqo nai tukutuku: sa solia vei keda na Kalou, o ya na bula e sega ni mudu, ia na bula oqo sa tu vua na luvena.

¹²O koya ga sa tu vua na Luvena, sa tu vei koya na bula; o koya e sega ni tu vua na luveni Kalou, ena sega ni dua na bula me tu vua.

¹³Au sa vola yani na veika oqo, vei kemudou sa vakabauta na luve ni Kalou, mo dou kila ni sa nomudou na bula e sega ni mudu, ka mo dou gumatua tikoga ni dinata na luve ni Kalou.

¹⁴Na ka ga oqo eda sa dei kina vua, ni dua na ka eda kerea me vaka na lomana, sa rogoci keda o Koya.

¹⁵Kevaka eda kila ni sa rogoci keda o Koya, e na ka eda kerea, eda na rawata dina na ka eda kerea.

¹⁶Kevaka e dua sa raica tiko na wekana ni sa cakava tiko nai valavala ca ka sega ni na yaco kina vua na mate, me na masu o koya, ena qai solia mai na bula vei koya e valavala ca tiko ka sega ni na mate kina, e tiko nai valavala ca e yaco kina na mate. Au sega ni tukuna qo mo dou masulaka na veika o ya.

¹⁷Na ka kece e sega ni dodonu e i valavala ca, ka e tiko nai valavala ca e sega ni yaco kina na mate.

¹⁸Eda sa kila, ni sa sega ni valavala ca o koya e vakasucumi mai vua na Kalou; ia o koya sa sucu vou vua na Kalou mena maroroi koya, ka ni sega ni rawa ni tarai koya na vuni ca.

¹⁹Eda kila ni da sa nona na Kalou, ia o ira na kai vuravura era tu ena ligana na tevoro.

²⁰Eda sa kila ni sa lako mai na luve ni Kalou ka solia vei keda na vuku, me rawa ni da kilai Koya kina na vuni dina; nida sa tuvata kei na vuni dina, o Jisu Karisito na luvena. Sai Koya oqo na Kalou dina, kei na vuni bula e sega ni mudu.

²¹Oi kemudou na luvequ, dou maroroi kemudou mai na veimatakau. Emeni.