[63] 2 Joni 1

¹Vei koya na marama sa digitaki kei ira na luvena, o ira au sa dau lomana dina, ka sega ni mai vei au duadua ga, mai vei ira talega sa kila na dina.

²Ena vuku ni dina sa bula tu vei keda, ena tu ga vei keda ka sega ni mudu.

³Me nomudou na loloma, na yalololoma, kei na vakacegu mai vua na Kalou o tamada, kei na turaga o Jisu Karisito, Na Luvei Tamada, ena dina kei na loloma.

⁴Sa ka levu noqu marau ni'u raica eso na luvemudou sa muria tiko nai vakavuvuli dina, me vaka eda sa vakaroti kina mai vei Tamada.

⁵Ena ka oqo au sa vakamasuti iko kina, vakamarama, ni sega tale ni dua nai vakaro vou au vola yani vei iko, ia o koya ga eda sa kila oti tu mai: meda veilomani vakalevu sara.

⁶O koya oqo na loloma, meda bula ka lako me vaka na nona i vakaro. Oqo nai vakaro o sa rogoca oti mai ena i vakatekivu, mo bula ka lako voli kina.

⁷Ni ra sa lewe levu na dauveivakacalai sa tu e vuravura nikua, ka ra sega ni vakatusa ni o Jisu Karisito e mai bula vakatamata. Sai ira oqo na dauveivakacalai ka ra meca i Karisito.

⁸Dou qarauni kemudou, me kua na guce ena ka eda sasaga tiko kina, ni da na taura na kena i sau.

⁹O koya e vukitani mai nai vakavuvuli i Karisito, ena sega ni tu vei koya na Kalou. Ia o koya e maroroya nai vakavuvuli i Karisito, e rau na tu ruarua vua na Tamada kei Koya na luvena.

¹⁰Kevaka e dua e lako mai vei kemudou, ka sega ni tiko mai vua nai vakavuvuli vakaoqo, dou kakua ni vakacurumi koya ena nomudou veivale, se mo dou kidavaki koya yani;

¹¹O koya ena marautaki koya yani, sa takavi koya nai valavala vakatevoro e tu vua.

¹²E levu na ka au via vola yani vei kemudou, sa sega ni rawa kina vei au me'u tukuna taucoko e na wai ni volavola kei na taqa ni pepa; ia au sa nuitaka tiko me'u na lako sara ga yani medatou na la'ki veisotari mata, me rawa nidatou reki kina vakalevu sara.

¹³O ira na luvedra na yalewa sa digitaki, era sa loloma tu yani. Emeni.