[64] 3 Joni 1

¹O , au na qase vua na luvequ o Kaio, au sa dau lomana vakaidina:

²Na luvequ, noqu masu mo vakasaututaki ena ka kecega ka mo bula vinaka, me vaka ni sa bula vinaka na yalomu.

³Sa dua na ka na levu ni noqu marau ni ra mai tukuna vei au na veiwekani; ena nomu maroroya tiko na dina, kei na nomu bula voli kina.

⁴Ka e sega ni dua na marau vei au, me tautauvata na noqu dau marautaka me'u rogoca, ni dua na luvequ e bulataka tiko na dina.

⁵Na luvequ, na ka kece mo cakava, vei ira na mata veiwekani se vei ira era vulagi, mo cakava ena yalomu dina.

⁶Ni nomu loloma era na la'ki tukuna ena matadra nai soqosoqo lotu. Mo dau vukei ira ena nodra kau lotu me vaka ni sa vinaka vua na Kalou, o sa cakava tiko e dua na cakacaka vinaka.

⁷Baleta ni ra lako tiko ena vuku ni yaca ni Turaga, ka sega ni dua na ka mera saumi tiko kina.

⁸E dodonu meda vukei ira sa vakaoqo, me rawa ni da duavata tiko ena kena vakatetei na dina.

⁹Au sa vola oti kina soqosoqo lotu, ia o Jiotirivi o koya sa dau vinakata tu ga me liu vei ira kecega; e sega ni via ciqomi keitou.

¹⁰O koya oqo, kevaka au na lako yani, au na vakasamataka na ka e cakava vei keitou, ena nona vosa vakacacataki keitou ena vosa e sega ni kilikili. Kenai karua ena nona sega ni taleitaki ira na mata veiwekani; kei na nona tarovi ira o ira era via toso i liu, mera biuta kina nai soqosoqo lotu.

¹¹Na luvequ, kakua ni vakatatamuria na ca, kitaka ga na ka vinaka. O koya e caka vinaka sa mai vua na Kalou, ia o koya e cakava na ka ca e sega ni mai vua na Kalou.

¹²O Timitirio na kenai tukutuku e uasivi mai vei ira kecega, kei na nona dei tu ena dina. Keitou sa dau ni tukutuku vaka talega kina, ka dou sa kila ni sa dina na neitou i tukutuku.

¹³Sa levu na ka au via vola yani, ia au sa sega ni vinakata me'u volavola yani ena peni kei na wai ni volavola;

¹⁴Au sa vinakata sara ga me'u raici iko ena dua na gauna lekaleka mai oqo, me rawa ni daru veivosaki ka veitalanoa ena nodaru veirai mata. Me nomu tiko na vakacegu. Sa loloma yani o ira na veiwekani vei iko. Ciqomi ira na veiwekani ena dui yacadra.