[11] 1 Tui 16

¹Na vosa i Jiova sa lako mai vei Jeu na luvei Anani ena vuku i Baesa ka vaka:

²"Ena Noqu vinaka taucoko, Au a laveti iko cake mai na kuvu ni soso ka vakatikori iko mo lewa vei ira na Noqu tamata na Isireli ka o sa lako ena sala nei Jeropoame ka o sa vakavuna na nodra valavala ca na Noqu tamata na Isireli, ka o sa vakavuna na Noqu cudru ena vuku ni valavala ca,

³"E dina, Au na kauta tani na bula vinaka nei Baesa kei na bula vinaka ni nona vale, ka Au na cakava na nomu vale me vaka na vale nei Jeropoame na luvei Nabati.

⁴"Na koli, ena kani cei ga sa nei Baesa, ka mate ena koro, kei na manumanu vuka ena kani cei ga sa mate ena taudaku ni koro."

⁵Na kena vo ni cakacaka nei Baesa, na ka e cakava kei na nona kaukauwa, era sa sega beka ni volai ena i vola ni tukutuku ni veigauna nodra na tui Isireli?

⁶Sa vakacegu vata kei ira na tamana o Baesa ka era sa buluti koya e Tirisa. Sa lewa o Ela na luvena ena vukuna.

⁷Sa lako talega mai na vosa i Jiova vei Jeu na parofita na luvei Anani ena vuku i Baesa kei na nona vale. Ena vuku ni ca kece sa cakava ena mata i Jiova, ka vakavuna na Nona cudru ena vuku ni cakacaka ni ligana, me vaka na vale nei Jeropoame baleta talega na nona vakamatei ira.

⁸Ena i ka ruasagavulu ka ono ni yabaki i Esa na tui Juta, o Ela na luvei Baesa sa tui e Isireli. Sa lewa mai Tirisa me yabaki rua.

⁹Na nona tamata o Simiri, nai liuliu ni veimama ni nona qiqi ni valu, sa bukiveretaki koya, ena nona mateni tiko mai Tirisa oqo ena vale nei Anasa, na dauveiqaravi mai nona vale.

¹⁰O Simiri sa lako yani, ka samuti koya ka vakamatei koya ena i ka ruasagavulu ka vitu ni yabaki nei Esa na tui Juta, ka lewa ena vukuna.

¹¹Sa yaco ni sa vakatekivu tiko na nona lewa, ena nona se qai dabe tikoga ena nona i dabedabe vakaturaga, sa vakamatei ira kece na vuvale nei Baesa, sa sega ni vakavoca e dua na tagane, vei ira talega na wekana se nona i tokani.

¹²O Simiri sa vakamatei ira kece na kawa i Baesa, me vaka na vosa i Jiova, sa vosa kina ena vukui Baesa mai na gusui Jeu na parofita,

¹³ni valavala ca kece nei Baesa kei na i valavala ca kece i Ela na luvena, era sai valavala ca kina na Isireli, ka vakavuna na cudru nei Jiova na Kalou ni Isireli ena vuku ni matakau.

¹⁴Na kena vo ni cakacaka nei Ela kei na ka kece sa cakava, era sa sega beka ni volai ena i vola ni tukutuku ni veigauna nodra na tui Isireli?

¹⁵Ena i ka ruasagavulu ka vitu ni yabaki nei Esa na tui Juta, sa veiliutaki e Tirisa o Simiri me vitu na siga. Era sa keba vakaivalu na tamata me baleti Kibeconi na vanua vaka Filisitia.

¹⁶Era sa rogoca na tamata ni sa tukuni, "O Simiri sa bukia na vere ka sa vakamatea na tui." O ira kece na Isireli era sa vakatikori Omiri nai liuliu ni mataivalu me tui kei Isireli ena siga o ya ena nodra keba.

¹⁷O Omiri kei ira kece na Isireli era sa lako cake mai Kibeconi ka tauri Tirisa.

¹⁸Sa qai yaco, ni sa raica o Simiri ni sa tauri na koro, sa lako ki na vale ni tui ka vakama na vale ni tui vata kei koya, ka sa mate kina,

¹⁹Baleta nai valavala ca sa cakava o koya sa ca sara ena mata i Jiova, ni sa lakova nai lakolako i Jeropoame, kei nai valavala ca oqori sa vakaivalavalacataki ira na Isireli.

²⁰Na vo ni cakacaka sa cakava o Simiri, kei na vuaviri sa cakava o koya, era sa sega beka ni volai ena i vola ni tukutuku ni veigauna nodra na tui e Isireli?

²¹Era sa wase rua na lewei Isireli, e dua nai wase era sa muri Tibini na luvei Kinaci era sa buli koya me tui, ka dua na veimama era sa muri Omiri.

²²O ira sa muri Omiri era sa dei mai vei ira sa muri Tibini na luvei Kinaci. Sa mate o Tibini ka sa tui ga o Omiri.

²³E na i ka tolusagavulu ka dua ni yabaki nei Esa na tui Juta, sa tui kina e Isireli o Omiri ka sa lewa me tinikarua na yabaki e Tirisa.

²⁴Sa volia na delana mai Samaria mai vei Sema me va na udolu na dola; sa tara cake na delana o ya, ka vakayacana na koro o ya me Samaria, sa vakayacani ga vei Sema nai taukei ni delana.

²⁵O Omiri sa caka ca ena mata i Jiova, ka sa ca vakalevu sara mai vei ira sa liu vua.

²⁶Ni sa muria o koya na sala nei Jeropoame na luvei Nepati, kei na nona i valavala ca, sa vakavuna na nodra valavala ca na Isireli taucoko ka sa vakayalo ca taka na Kalou me cudruva na nodra matakau.

²⁷Na kena vo ni cakacaka nei Omiri, sa cakava, kei na kaukauwa e vakaraitaka, era sa sega beka ni volai ena i vola tukutuku ni veigauna nodra na tui Isireli?

²⁸Sa vakacegu o Omiri kei ira na tamana ka sa bulu mai Samaria. Sa lewa ena vukuna o Eapi na luvena.

²⁹Ena i ka tolusagavulu ka walu ni yabaki nei Esa na tui Juta, o Eapi na luvei Omiri sa tui e Isireli; sa lewa e Isireli mai Samaria me ruasagavulu ka rua na yabaki.

³⁰O Eapi na luvei Omiri sa caka ca ena mata i Jiova vakalevu sara mai vei ira na sa liu vua.

³¹Sa yaco ni sa muria tiko nai valavala ca nei tamana o Jeropoame na luvei Nebati, sa tauri Jesepeli talega me watina, na luvei Ecipeali na tui Saitoni, ka sa lako ka lotu vei Peali ka qaravi koya.

³²Sa tara talega nai cabocabo ni soro vei Peali, ena vale ni soro nei Peali, ea tara ga o koya mai Samaria.

³³Sa cakava talega o Eapi e dua na matakau. O Eapi sa cakava me ca vakalevu ga na yaloi Jiova na Kalou me cudru vakalevu kina, mai vei ira kecega sa liu vua.

³⁴Ena nona gauna o Ieli mai Peceli sa tarai Jeriko. Sa vakadavora na yavu vata kei na luvena o Abirami na ulumatua kei na luvena gone duadua o Sekubi e rau sa vakatikora vata na matamata, me vaka ga na vosa i Jiova, sa vosa kina mai vei Josua na luvei Nuni.