[5] Vakarua 18

¹"O ira na bete kei ira na Livai, io, o ira na kawa vaka Livai, sa sega na nodra i votavota se na nodra tikina vata kei ira na Isireli; me ra na kania nai madrali sa vakacabori vei Jiova ena bukawaqa kei nai votavota i Jiova.

²"Sa sega na nodra tikina vei ira na tacidra, o Jiova ga sa nodra tikina ka nodra i votavota, me vaka sa tukuna vei ira o Koya.

³"Oqo na nodra i votavota na bete mai vei ira na tamata ena nodra vakacabora nai soro, se bulumakau, se sipi, me ra solia na tabana, na babana kei na ketena.

⁴"Nai sevu ni nomuni veiteitei kei nai sevu ni nomuni waini kei nai sevu ni waiwai, mo ni solia vei koya nai sevu ni sipi me soli vei koya.

⁵"O Jiova na nomuni Kalou sa digitaki koya mai vei ira kece na nomuni yavusa me tucake tu, ka veiqaravi ena yaca i Jiova o koya kei ira na luvena me sega ni mudu.

⁶"Kevaka e dua na livai sa lako mai ki vei kemuni, ena nona lako tiko mai vei ira na Isireli, ka sa lako tiko mai ena yalona dina ki na vanua sa digitaka o Jiova,

⁷"Me qai veiqaravi, o koya ena yaca i Jiova na nona Kalou, me vaka era sa dau vakayacora na tacina o ira na Livai, o ira sa dau tu ena mata ni Kalou o Jiova.

⁸"Me vakatautauvata na kedra i votavota ni ra kana me kuria nai sau ni vei ka era sa dau votai kina.

⁹"Ni o ni sa lako mai ki na vanua sa solia vei kemuni o Jiova na nomuni Kalou, mo ni kua ni muria se vulica me muria na nodra i valavala na veimatanitu oqo.

¹⁰"Me kua ni kune ena kemuni maliwa e dua na luvemuni tagane se yalewa me lako curuma na bukawaqa, se me dua e dauvakatevoro, se dua e muria na parofita vakailasu, se daumuri ira na daurairai, se o ira na daucakaisausau,

¹¹"Se dua sa muri ira na daulawaki, se dua sa lako vua na daucurumi, se dua sa muria na dauveinita, se dua sa dau taroga na mate.

¹²"O ira kece sa cakava na veika oqo era sa ka vakasisila vei Jiova na Kalou, oqo talega na vuna era sa vakasavi tani kina na veimatanitu oqo mai matamuni mai vua na Kalou o Jiova.

¹³"Mo ni sega ni cala ena mata ni Kalou o Jiova.

¹⁴"O ira na veimatanitu oqo era sa dau vakarorogo vei ira na lasulasu, vei ira na viavia vakalou, ia oi kemuni, na Kalou o Jiova sa sega ni digitaka na veika vakaoqo vei kemuni.

¹⁵"Na Kalou o Jiova ena vakatubura e dua na Parofita me vakataki au mai na kemuni maliwa, mai vei ira na tacimuni o Koya oqo mo ni qai vakarogoca,

¹⁶"Me vaka na nomuni gadreva na Kalou o Jiova mai Orepi ena siga ni soqoni levu ka tukuna, 'Me keimami kua tale ni rogoca na domo i Jiova, me kakua talega ni raica na bukawaqa levu oqo, de keimami mate kina.'

¹⁷"Sa qai tukuna vei au o Jiova, 'Sa dina na ka era sa tukuna.

¹⁸'Au na vakatubura e dua na Parofita me vakataki iko ena kemuni maliwa, Au na biuta na Noqu Vosa e Gusuna, ena tukuna o Koya vei kemuni, na veika kece Au sa vakarota vua.

¹⁹'Ena yaco o koya sa sega ni via rogoca na Noqu vosa sa lako mai Gusuna ena Yacaqu, Au na taroga mai vua.

²⁰'Na parofita sa nanuma ni vosa tiko ena Yacaqu, o koya Au sa sega ni vakarota me cavuta, se sa vosa tiko ena vukudra e so tale na Kalou, ena mate vakaidina na parofita o ya.'

²¹"Kevaka o ni sa tukuna e lomamuni, 'Keimami na kila vaka cava ni sa sega ni vosa vei keimami o Jiova?' ”

²²"Kevaka sa vosa e dua na parofita ena yaca i Jiova, ia sa qai sega ni yaco na veika e tukuna “ sa sega ni vosa i Jiova oqori. Sa vosa ga vakaveitalia na tamata oqori ka mo ni kua ni rerevaki koya.