[18] Jope 21

¹Sa qai sauma o Jope, ka vaka:

²"Dou vakarorogo vakavinaka ki na noqu vosa, Ka laiva me nomudou veivakacegui na ka ga oqo.

³Dou vosoti au mada me'u vosa, Ia ni'u sa vosa oti, dou qai ia tiko na veivakalialiai.

⁴"Ia vei au, na noqu didi beka e baleta na tamata? Ia ke a vakakina, na cava me sega kina ni rarawa na yaloqu?

⁵Dou raici au mada ka kurabui; Dou tabaka na gusumudou ena ligamudou.

⁶Ia ni'u sa vakananuma mada ga au sa taqaya, Ka sa sautaninini na lewequ.

⁷Na cava era bula tiko kina nai valavala ca ka yacova ni ra qase, Io, e yaco me ra kaukauwa vakalevu?

⁸Era sa vakataudeitaki vata kei na nodra kawa e matadra, Kei na luvedra talega e matadra.

⁹Sa galala mai na rere na nodra veivale, Se me tau vei ira na kuita ni Kalou.

¹⁰Na nodra bulumakau tagane sa vakawa tikoga; Sa vakasucu vinaka ga na nodra bulumakau yalewa sa sega ni vakalutu.

¹¹Era vakatala yani na nodra lalai me vaka na qele ni sipi, Ka ra meke voli na luvedra.

¹²Era sere kei na domo ni tibereli kei na api, Ka rekitaka na domo ni kove.

¹³Era vakayagataka na nodra veisiga kei nai yau, Ia e vakalailai ga era sa lako sobu ki nai bulubulu.

¹⁴Ia era a tukuna vua na Kalou, 'Lako tani vei keitou, Ni keitou sega ni gadreva na kena kilai na Nomuni sala.

¹⁵O cei o Koya na Kaukauwa, me keitou qaravi Koya? Kei na cava keitou na rawata kevaka keitou masu vua?'

¹⁶E dina ni nodra rawa ka e sega ni tiko e ligadra; Na nodra i vakasala nai valavala ca e yawa vei au.

¹⁷"E dau bokoci beka vakavica na nodra cina nai valavala ca? E vakavica na kena dau yacovi ira na veivakarusai, Na rarawa e vota na Kalou e na Nona cudru?

¹⁸Era sa vaka na vu-ni-sila e na mata ni cagi, Ka vaka na qa-ni-sila sa kauta tani na cava.

¹⁹Era tukuna, 'Na Kalou sa maroroya na nonai valavala ca e dua me nei luvena'; Me sauma o Koya vua, me na kila talega o koya.

²⁰Me na raica na matana na nona rusa, Ka me na gunuva o koya na cudru i Koya sa Kaukauwa.

²¹Se na cava me na kauwaitaka o koya ena nona vuvale ka ra bula e muri vua, Ni sa yalani me veimama nai wiliwili ni nona veivula?

²²"Ena dua li me vakatavulica vua na Kalou na kila ka, Me vaka ni sa daulewai ira era sa cecere o Koya?

²³Sa mate e dua ena nona kaukauwa taucoko, Ni tu donu ena nona vinaka ka vakacegu;

²⁴Na nona saqa sa sinai e na sucu, Ka sa suasua na uto ni suina.

²⁵E dua tale na tamata sa mate ena ca ni yalona, E sega ni bau kana ena marau.

²⁶E rau sa davo vata no e na kuvu ni soso, Ka ra ubi rau na baca ni qele.

²⁷"Raica, au sa kila na nomudou nanuma, Kei na vere dou a nakita mo dou vakacalai au kina.

²⁸Ni dou sa tukuna, 'Sa evei na nona vale na turaga? Ka sa E vei na vale laca, Na nonai tikotiko nai valavala ca?'

²⁹Dou a sega beka ni tarogi ira era sa lako tu e na sala? Dou sega beka ni kila na nodra i vakatakilakila?

³⁰Ni sa maroroi ki na siga ni rusa na tamata ca; Era na tuberi yani e na siga ni veicudruvi.

³¹O cei me beitaka vua e matana na nonai valavala? Ia o cei me sauma vua na ka sa cakava o koya?

³²Ia o koya ena colati yani ki nai bulubulu, Ka ra na yadrava na nonai bulubulu.

³³Na qele e na buca ena kamikamica vua; Ena muri koya na tamata kecega, Me vaka ni sega ni wili rawa o ira era sa liu vua.

³⁴Dou na vakacegui vakaevei e na vosa wale, Me vaka ni tu na lasu e na nomudoui sau ni taro?"