[18] Jope 22

¹Sa qai sauma o Ilivasi na Temanaiti, ka vaka:

²"E dua beka na tamata me yaga vua na Kalou, E dina ga ni o koya sa vuku e na rawa ni yaga ga ki vua vakai koya?

³E na ka marautaki beka vei Koya sa Kaukauwa ni o yalododonu? Se vakaiyau li kina o Koya ni o vakadodonutaka na nomu sala?

⁴"E baleta beka na nomu rerevaki Koya e vunauci iko kina o Koya, ka ia na veilewai kei iko?

⁵E sega beka ni ka levu na nomu ca? Ka sega ni muduki rawa na nomui valavala ca?

⁶Ni o sa taura nai solisoli maivua na wekamu ka sega na vuna, ka luvata tani mai vei ira era luvawale na nodra i sulu.

⁷O sega ni solia vei ira era oca na wai me ra gunu, o bureitaka talega na madrai vei ira era viakana.

⁸Ia o koya na tamata qaqa e taukena na vanua, Ka sa tiko kina o koya na tamata dokai.

⁹O a vakatalai ira lala yani na yada, kei na nodra kaukauwa na luve ni yali sa qaqiraki.

¹⁰O koya oqo sa voliti iko kina nai cori, kei na rere e vakasauri sa vakaleqai iko,

¹¹Se na butobuto mo kakua ni rai rawa; Ka sa luvuci iko na wai levu.

¹²"E sega li ni tiko na Kalou ena vanua cecere mai lomalagi? Ka mo raici ira na kalokalo yawa ki cake, e vakaevei na kedra cecere!

¹³Ia o tukuna, 'Na cava e kila na Kalou? E rawa beka Vua me lewa mai na loma ni butobuto loaloa?

¹⁴Sa tabonaki Koya na o loaloa, ka sega ni rai rawa kina o Koya, ka lako voli tu e na dela ni mokomokiti kei lomalagi.'

¹⁵O na muria tiko beka ga na sala makawa o koya era a daulako kina na tamata ca,

¹⁶O ira era ta sobu ni se bera na nodra gauna, o ira e kuitaki tani na nodra yavu ena waluvu?

¹⁷Era a tukuna vua na Kalou, 'Mo ni lako tani vei keimami! Na cava beka e rawa ni cakava vei ira o Koya sa Kaukauwa?'

¹⁸Ia e vakasinaita na nodra veivale e na ka vinaka; Ia na nodra i vakasala na tamata ca e yawa sara vei au.

¹⁹"Era raica o ira na yalododonu ka ra marau, Ka ra dredrevaki ira o ira e sega na nodra cala:

²⁰'E dina ni ra sa ta sobu na keda meca, Ka sa vakamai e na buka waqa na ka kecega e vo tu vei ira.'

²¹"Ia oqo mo vakaveiwekanitaki iko mada kei Koya, ka mo vakacegu; Oqori ena qai lako mai kina vei iko na vinaka.

²²Mo ciqoma, yalo vinaka, nai vakaro mai na Gusuna, Ka binia na nona Vosa ki yalomu.

²³Kevaka o sa lesu mai vei Koya sa Kaukauwa, o na tara cake; o na kauta tani vakayawa nai valavala ca mai na nomu vale laca.

²⁴O na qai vakadavora na nomu koula ena qele, Kei na koula ni Ofira e na maliwa ni veivatu ni wai drodro,

²⁵Io, o Koya sa Kaukauwa ena nomu koula kei na nomu siliva talei talega;

²⁶Ena gauna o ya o na qai rekitaki Koya sa Kaukauwa, ka tacake vua na Kalou.

²⁷O na qai vakacabora na nomu masu Vua, ena rogoci iko o Koya, ia o na qai vakayacora talega na ka o a yalataka.

²⁸O na vakaraitaka talega e dua na ka, Ena vakataudeitaki vei iko; Ia na rarama ena cilava na nomu sala.

²⁹Ni ra sa tabaki iko sobu, ka o qai tukuna, 'Na veilaveti cake e na lako ga mai!' Ena qai vakabula na yalomalumalumu o Koya.

³⁰O Koya ena vakabulai koya vakaidina sa cala; Io, ena vakabulai o koya ena savasava ni ligamu."