[18] Jope 25

¹Sa qai sauma o Vilitati na Suaiti, ka vaka:

²"Na lewa kei na rere e Nona; E cakava na veivakasaututaki e Nona vanua cecere.

³E tu beka nai wiliwili ni Nona mataivalu? O cei e sega ni cadra vua na Nona rarama?

⁴Ena qai dodonu rawa vakaevei na tamata vua na Kalou? Se me savasava rawa vakaevei o koya sa sucu mai vua na yalewa?

⁵Kevaka mada ga ena sega ni cila na vula, Ka ra sega ni savasava na kalokalo e Matana,

⁶Ena vakaevei na nona lailai sobu na tamata, o koya e baca ga, Kei na luve ni tamata, e baca walega?"