[18] Jope 26

¹Ia sa sauma o Jope ka tukuna:

²"O a vukei koya vakacava sa sega ni tu vua na kaukauwa? O a vakabula vakacava na liga e sega ni kaukauwa?

³O a vakavulica vakacava e dua sa sega vua na vuku? Ka o a vakaraitaka vakacava nai vakasala dodonu vei ira na lewe vuqa?

⁴O a cavuta vei cei na vosa? Ia na yaloi cei e a lako mai vei iko?

⁵"Na mate era sautaninini, o ira e loma ni wai kei ira era taukena.

⁶O Etesi e luvawale e Matana, Kei Rusa sa sega na kenai ubi.

⁷E tevuka yani o Koya na vualiku e na dela ni vanua lala; E vakarubeci vuravura o Koya ena ka e sega.

⁸E vauca na wai ena Nona o vavaku, ia na o e sega ni cavuka e rukuna.

⁹E ubia o Koya na mata ni Nona i tikotiko vaka-Turaga, Ka tevuka na Nona o e delana.

¹⁰Sa toqa o Koya e dua nai yalayala e na dela ni wai, E nai yalayala ni rarama kei na butobuto.

¹¹Na duru kei lomalagi era sautaninini, Ka ra sa kidrotaka na Nona veivunauci.

¹²E vakayavalata o Koya na wasawasa ena Nona kaukauwa, Kei na Nona yalomatua e musumusuka kina o Koya na cava.

¹³Ena Nona Yalo Tabu e vakaiukuukutaka kina o Koya na lomalagi; Ena Ligana e suaka kina o Koya na gata e via dro.

¹⁴E dina ni oqo na veitiki ni Nona i valavala eso, Ka vakaevei na rogo lailai ni vakasolokakana eda rogoci Koya kina! Ia na kurukuru ni Nona kaukauwa, o cei e na kila rawa?"