[18] Jope 28

¹"E dina sa dua na qara ni siliva, Ka sa dua na vanua ni vakasavasavataki koula.

²Na kaukamea e kau mai na qele, Kei na kopa e vakawaicalataki mai na vatu.

³Na tamata sa vakaotia na butobuto, Ka vakasaqara e na vanua buto kecega Na vatu e na butobuto kei na yaloyalo ni mate.

⁴Sa dolava o koya ni basuka e dua na sala me yawa mai vei ira na tamata; Ena vanua sa guilecava na yava Era rube vakayawa mai vua na tamata; Era lilili ki liu ki muri talega.

⁵Ia ena qele, sa tubu maikina na madrai, Ia e rukuna sa vukici me vaka ena bukawaqa;

⁶Na kena veivatu sa vu maikina na safaia, Ka sa tu kina na kuvu ni koula.

⁷Na sala o ya era sega ni kila na manumanu vuka, se me bau raica na mata ni tuivuci levu.

⁸Na laione qaqa e se bera vakadua ni bau butuka, se mea lako sivita na laione rerevaki daukata.

⁹O Koya sa tabaka e ligana na vatu; o Koya sa vukica na veiulunivanua mai na vuna.

¹⁰Sa taya o Koya na sala ni wai ena loma ni veivatu; Kei na Matana sa raica na ka talei kecega.

¹¹Sa bonota na uciwai o Koya me kakua ni vuabale; Na ka e vuni sa kauta mai o Koya ki na rarama.

¹²"Ia ena kune E vei na vuku? Ka sa E vei na yasana ni yalomatua?

¹³Na tamata e sega ni kila na kena bibi, Se me kunei e na nodra vanua na bula.

¹⁴E tukuna na vanua titobu, 'E sega ni tiko vei au;' Ka tukuna na wasawasa, 'E sega ni tiko kei au.'

¹⁵Ena sega ni voli rawa ena koula, Se vakarautaki na siliva me kenai voli.

¹⁶Ena sega ni vakarautaki na kenai voli mai na koula ni Ofira, Se na onikisa talei kei na safaia.

¹⁷Na koula se na karisitala e na sega ni tautauvata tukuna, Se me na rawa ni veisautaki kei nai ukuuku koula talei.

¹⁸Ena sega ni cavuti na lase se na karisitala, Ni sa levu cake nai sau ni vuku mai na rupi.

¹⁹Na topasa ni Iciopea e sega ni tautauvata rawa, Ena sega talega ni vakarautaki e na koula dina.

²⁰"Sa na qai vu ga mai vei na vuku? Ia E vei ga na vanua ni yalomatua?

²¹E vunitaki mai na matadra na ka bula kecega, Ka tabonaki mai vei ira na manumanu vuka.

²²O Rusa kei Mate e rau tukuna, 'Keirau a rogoca na kenai tukutuku ena daligai keirau.'

²³Na Kalou e kila na kena sala, Ka kila o Koya na kena vanua.

²⁴Ni sa rai yani o Koya ki na i yalayala kei vuravura, Ka raica na veiyasana kecega e rukui lomalagi,

²⁵Me vakadeitaka e dua nai vakarau ni cagi, Ka wasea na vei wai ena kena i vakarau.

²⁶Ni sa bulia o Koya e dua na lawa me baleta na uca, Kei na sala ni livaliva ni kurukuru,

²⁷Sa qai kunea o Koya na vuku ka tukuna; Sa vakarautaka o Koya, e dina, o Koya sa vakadikeva talega.

²⁸Kivua na tamata sa tukuna o Koya, 'Raica mada, na rerevaki Jiova, sai koya na vuku, Kei na lako tani mai na ka ca, sai koya na yalomatua."