[18] Jope 29

¹Sa tomana tikoga na nona vosa vakaibalebale o Jope, ka vaka:

²"Oi! Ke me vaka mada ena veivula e liu na noqu tiko oqo, Me vaka ena gauna sa vakatawai au kina na Kalou;

³Ni sa cilava na uluqu na nona cina, Ni'u a lakova na butobuto ena Nona rarama;

⁴Me vakataki au ena gauna ka se vue kina na noqu totoka, Ni se tiko ena noqu vale nai vakasala loloma ni Kalou;

⁵Ni se dau tiko ga kei au o Koya sa Kaukauwa, Ni ratou tu voli e yasaqu na luvequ;

⁶Ni se dau sili tu na noqui kalawa ena uro ni sucu, Kei na vatu ni dau sova mai vei au na uciwai waiwai!

⁷"Ni'u a lako yani ki na matamata mai na koro, Ni'u dabeca na noqui dabedabe ena rara ni koro,

⁸Era a raici au na cauravou ka vuni, Ka ra tu cake na qase ka wavu tu;

⁹Era sega ni via vosa na turaga, Ka ra tabonaka na gusudra ena ligadra;

¹⁰Na domodra na turaga sa vagalui, Kei na yamedra sa kabita na loma ni gusudra e cake.

¹¹Ni sa rogoca na daliga, sa qai vosavakalouvinakataki au, Ka ni sa raica na mata, sa qai vakadonui au;

¹²Baleta ni'u a vakabula na dravudravua e tagi mai, Na luveniyali kei koya talega e sega na nonai vukevuke.

¹³Na veivakalouvinakataki i koya sa voleka ni rusa sa yaco mai vei au, Ka'u a vakavuna me sere ena reki na yalona na yada.

¹⁴Au a sulumaka na yalododonu, ka sa noqui sulu voli; Na noqu lewa dodonu sa vaka nai ubi balavu kei nai ubi ni ulu.

¹⁵Au a matadra na mataboko, Ka yavadra na lokiloki.

¹⁶Au a tama vei ira na dravudravua, Ka'u a vakasaqara na ka e veiletitaki au a sega ni kila.

¹⁷Au a vorolaka na galegaledra na sega dodonu, Ka kaliraka tani mai na batidra na ka era sa toboka vakaukauwa.

¹⁸"Au a qai tukuna, 'Au na mate ena noqu vale, Ka na vakavuqataka na noqu siga me vaka na nuku.

¹⁹Sa teteva na wai na wakaqu, Ka sa taqa no e tabaqu na tegu ena bogi taucoko.

²⁰Sa vakavoui tikoga na noqui ukuuku, Ka sa vakaukauwataki tu e ligaqu na noqu dakai.'

²¹"Era vakarorogo vei au na tamata ka wawa tiko, Ka tiko lo e na noqu vei vakatavulici.

²²Ni sa oti na noqu vosa era sega ni vosa tale, Ka sa tarai ira na noqu vosa me vaka na tegu.

²³Era waraki au me vaka era waraka na uca, Ka ra dolava vakalevu na gusudra me vaka ki na uca tau emuri.

²⁴Ke'u a vakalialiai ira, era a sega ga ni vakadinata, Kei nai rairai ni mataqu era na sega ni tabaka sobu.

²⁵Au a digitaka na sala me nodra, ka dabe sobu me vaka na turaga; Ia au a tiko me vaka na tui e na mataivalu. Me vaka e dua sa vakacegui ira era tagi.