[18] Jope 30

¹"Ia e daidai era sa vakalialiai au o ira era gone vei au, Na tamadra au a nanuma me wili vata kei na koli ni noqu qele ni sipi.

²E dina, e vakacava na ka e na rawata na kaukauwa ni ligadra vei au? Na nodra kaukauwa sa rusa.

³Era sa sui votu ena vuku ni viakana kei na dausiga, Era dro bera ki na lekutu, sa lala ka biu wale,

⁴Era vetia na co gaga mai veikau, kei na waka ni kau me kedra kakana.

⁵Era vakasavi tani mai na kedra maliwa na tamata. Era kailavaki ira me vaka vua na daubutako.

⁶Sa yaco me ra bula voli e na maliwa ni veivatu, ena veiqara e vuravura, kei na veivatu.

⁷Era a dredre velavela e loma ni veikau lalai, Era davo sobu e ruku ni kau votovotoa.

⁸Era luve ni lialia, io, era luve ni tamata vakasisila; Era a vakasavi tani mai na vanua.

⁹"Ia oqo oi au na nodra sere ni veivakacudrui, Io, au sa nodra vosa vakatautauvata.

¹⁰Era vakasisilataki au, era dro vakayawa vei au; Era sa sega ni wawa ni kasivita na mataqu.

¹¹Ni sa sereka o Koya na wa ni noqu dakai ka vakararawataki au, Era sa biuta talega nai tarovi e mataqu.

¹²Ena ligaqu i matau sa tubu cake na maue; Era biliraka tani na yavaqu, Ka ra laveta cake vei au na nodra sala ni veivakarusai.

¹³Era vakacacana na noqu sala, Era vinakata na noqu rarawa; E sega na nodra i vukevuke.

¹⁴Era lako mai me vaka na daubasu ba; Era sa qiqi voli ena ruku ni cagilaba.

¹⁵Na veivakarere sa vagolei mai vei au; Era vakasava na noqu dokai me vaka na cagi, Kei na noqu rawa ka sa seavu me vaka na o.

¹⁶"Ia oqo na yaloqu sa qai sova yani e na vuku ni noqu rarawa; Sa vesuki au matua na veisiga rarawa.

¹⁷Sa laucoka na suiqu ena yagoqu e na bogi; Ka sega ni vakacegui rawa na momosi ni noqu ua.

¹⁸Sa seavu na roka ni noqui sulu ena vuku veivakasaurarataki kaukauwa; Sa vauci au me vaka na kola ni noqu kote.

¹⁹Sa viritaki au o Koya ki na lolobo, Ia au sa qai vaka na kuvu-ni-soso kei na dravusa.

²⁰"Au tagi vei Kemuni, ia o ni sega ni sauma mai; Au tu cake, o ni sa kauwaitaki au.

²¹Ia o ni sa vuki Mo ni sega ni yalo loloma vei au, Ena kaukauwa ni Ligamuni o ni sa vorati au.

²²O ni laveti au cake ki na cagi ka vakavodoki au kina; o ni vakacacana na noqu rawa ka.

²³Ni'u sa kila o ni na kauti au mai ki na mate, Kei na vale sa lesi me nodra kecega era bula tiko.

²⁴"E dina ena sega ni dodoka o Koya na Ligana ki nai binibini ka sa rusa, Kevaka era tagi cake mai ni sa vakarusa o Koya.

²⁵Au a sega beka ni tagicaki koya e sotava na leqa? E a sega beka ni bibi na yaloqu ena vukui koya na dravudravua?

²⁶Ia ni'u vakasaqara na vinaka, e lako mai vei au na ca; Ia ni'u waraka na rarama, sa qai lako mai na butobuto.

²⁷Au sega ni vakacegu rawa ena veilecayaki ni yaloqu; Na veisiga ni rarawa e vakasosataki au.

²⁸Au lako voli ga kei na tagi, ia e sega ena cila ni siga; Au tu cake ena i soqosoqo ka tagica na veivuke.

²⁹Au sa tacidra na koli kila, Ka nodra i tokani na Ositereji.

³⁰Sa loaloa na kuli ni yagoqu ka sa dravoci; Sa kama na suiqu ena katakata.

³¹Na noqu api sa vuki me tagiyaso, Kei na noqu kove me domo ni dautagi.