[18] Jope 40

¹Sa vosa tiko vei Jope o Jiova, ka vaka:

²"Sa rawa beka vua sa veileti kei na Kalou me vakadodonutaki Koya? O koya sa vunauca na Kalou, me vosa mada kina." Sa Vosa Lesu O JopeVua Na Kalou

³Sa qai vosa vei Jiova o Jope, ka vaka:

⁴"Ni raica ga, ni'u sa ka walega; na cava me'u tukuna vei kemuni? Au sa tabonaka na gusuqu e na ligaqu.

⁵Au sa vosa oti vakadua, ia au na sega ni vosa tale; Io, sa vakarua, ia au na sega ga ni kuria." Na Kalou Sa Bolei Jope

⁶Sa qai vosa tale vei Jope o Jiova mai na covulaca, ka vaka:

⁷"Mo vauca mada vakatagane na tolomu; Au na vakatarogi iko, ia mo na sauma na Noqu taro:

⁸"O na viavakatawayagataka beka na Noqu lewa? O sa viavakacalai au mo dodonu kina o iko?

⁹Na ligamu beka sa vaka na liga ni Kalou? Se rawa beka ni o kuruvaka na domomu me vakataki Koya?

¹⁰Mo vakaiukuukutaki iko mada e na ka vakaturaga kei na vakarokoroko, Ka vakaisulutaki iko e nai ukuuku kei na lagilagi.

¹¹Mo duibiubiuta na katakata ni nomu cudru; Vakaraici ira yadua era viavialevu, ka vakamalumalumutaki ira.

¹²Mo raici ira kecega era viavialevu, ka ka tabaki ira sobu; Ka buturaki ira nai valavala ca e na nodra i tikotiko.

¹³Mo vunitaki ira vata e na kuvu-ni-soso, Vauca na matadra ena buto vuni.

¹⁴Ia Au na qai vakatusa vei iko, Ni sa rawa ni vakabulai iko na ligamu i matau.

¹⁵"Mo raica mada na beamoci, o koya Au a bulia vata kei iko; Sa daukana co me vaka na bulumakau.

¹⁶Mo raica mada, sa tiko e tolona na nona gumatua, Kei na nona kaukauwa sa tu e na ua ni ketena.

¹⁷Sa kureitaka na buina me vaka na sitari; Na dali ni sagana sa tobe vata.

¹⁸A suina sa vaka nai coka varasa, A suina sa vaka na uma kaukamea.

¹⁹O koya sai sevu ni sala ni Kalou; o Koya ga ka buli koya e rawa ni kauta voleka na Nonai seleiwau.

²⁰E dina ni veiulunivanua sa vakatubura na kena kakana, Era sa dauqito mai kea na manumanu kecega ni vanua.

²¹Sa davo no o koya ena ruku ni kau rugurugua, Ena ruku ni gasau kei na lolobo.

²²Sa vakarurugi koya na yaloyalo ni kau rugurugua; Sa tu voliti koya na veikau mai na wai drodro;

²³Raica, ni sa vuabale na uciwai, ia e sega ni rere o koya; Sa yatedei ga, ke mani drodro sara mai na Joritani ki na gusuna,

²⁴Ena rawai koya beka e dua ni sa rai tiko? Se na cula rawa na ucuna ena I cori.