[18] Jope 6

¹Sa qai vosa o Jope, ka vaka:

²"Sobo, me bau vakarautaki mada na bibi ni noqu rarawa, Me bau vakatauvatani vata e nai vakarau ni bibi kei na ka ca e yacovi au!

³Ni sa bau bibi vakalevu sara ka mamada na nuku ni wasawasa “ o koya oqo sa rui totolo kina na noqu vosa.

⁴Ni sa lau ki lomaqu na gasau i Koya sa Kaukauwa; Sa gunuva na yaloqu na kena gaga; Sa tuvai valu kivei au na ka rerevaki mai vua na Kalou.

⁵Me tagi beka na asa kila ni sa tu na kena co, se me via tagi na bulumakau ni sa kana tiko?

⁶E na laukana rawa beka na kakana velavela e sega ni vakamasina? Se kamikamica beka na weli ni yaloka?

⁷Na yaloqu e bese ni tara na veika oqori; Era sa vaka na kakana velavela vei au.

⁸"Oi, me dua mada na noqu kerekere, Me bau solia mada vei au na Kalou na ka au sa gadreva!

⁹Me bau vinaka mada vua na Kalou me qaqiraki au; Me dodoka na Ligana ka tagutuvi au laivi!

¹⁰Au na vakacegui tiko ga; e dina ga ni'u na qai vakaukauwataki au e na rarawa levu sara, ena sega ni vosota o Koya; Ni'u a sega ni vunia na vosa i Koya sa Yalosavasava.

¹¹"Na kaukauwa cava e tu vei au, me'u nuitaka? Se cava na noqui cavacava, me'u via vakabalavutaka kina na noqu bula?

¹²E noqu kaukauwa beka na kaukauwa ni vatu? Se lewequ beka na varasa?

¹³E sega beka ni tu ga e lomaqu na noqu i vukevuke? Se sa vakasavi tani li vei au na gumatua?

¹⁴"Vei koya e vakararawataki, na loloma e dodonu me vakaraitaka o koya e wekana, Veitalia mada ga ke biuta o koya na rerevaki Koya sa Kaukauwa.

¹⁵E ratou sai valavala vakailasu na wekaqu me vaka na soniwai, Me vaka ni sa drodro tani yani na wai mai na soniwai,

¹⁶Sa buto ena vuku ni wai cevata, Ka sa takali yani kina na uca-cevata.

¹⁷Ni sa katakata vakalailai, sa mudu na kena drodro; Ni sa katakata vakalevu, sa takali sara mai na kena yasana.

¹⁸Nai lakolako ni nodra sala sa gole tani, E sega ni dua na vanua me ra cava kina ka ra sa rusa.

¹⁹Na qiqi ni tamata mai Tema era vakaraica, o ira na daulakova na sala mai Sipa era sa vakanuinui tiko ena vukudra.

²⁰Era sa lomaleqa baleta ni ra a yalodei; Era sa lako yani kina ka ra sa veilecayaki.

²¹Ia oqo dou sa ka walega, Dou sa raica na ka vakadomobula ia dou sa rere.

²²Au a tukuna beka, 'Dou kauta mai vei au e dua na ka?' Se, 'Dou solia nai solisoli ni veivaqumi e na vukuqu mai na nomudoui yau'?

²³Se, 'Dou vakabulai au mai na liga ni meca'? Se, 'Dou voli au mai na liga ni dauveivakasaurarataki'?

²⁴"Vakavulici au, ka'u na tarova na yamequ; Vakaraitaka vei au me'u kila na vanua au cala kina.

²⁵E vakaevei na kaukauwa ni vosa dodonu! Ia na cava beka e betena na nomudou veiba?

²⁶Dou nanuma beka mo dou vunauca na noqu vosa, kei na nona vosa e dua e lomaleqa tu, ni sa vaka na cagi?

²⁷Io, dou sa vakamalumalumutaki koya na luveniyali, ka vakalolovirataki koya na nomudoui tau.

²⁸Ia oqo me vinaka mada vei kemudou ni dou raici au; Ni'u na sega ni lasutaki kemudou.

²⁹Dou rogoca oqo, me kakua tiko na lewa vaka sega ni dodonu! Io, dou ciqoma ni noqu yalododonu ena tudei ga!.

³⁰Sa tiko beka na lewa vaka sega ni dodonu e yamequ? Au na sega beka ni vakila rawa na velavela ni ka au tovolea?