[42] Luke 1

¹Era lewe levu sara era sa mai kumukumuna vata nai vola tukutuku, ni veika sa mai vakataucokotaki oti vei keda,

²Me vaka ga o ira e liu ena nodra raica e matadra ka tawasei ira sara ga me baleta na vosa ni Kalou, sa mai vakaleleci rawa kina vei keda,

³Ena vinaka cake talega vei au me'u na vakasokumuna vata nai tukutuku ni veika a sa vakayacori oti, ka tekivu sara ga mai nai matai ni siga, me rawa kina ni'u vola yani vei kemuni e dua nai vola tukutuku matata, vei kemuni Ceolifo sa cecere,

⁴Me rawa kina mo ni kila sara na dina ni veika o sa tuberi tiko kina.

⁵Ena gauna i Eroti na tui Jutia, a donumaka na gauna e tiko kina e dua na bete na yacana o Sakaraia, ka bete ena i wasewase i Avaijia. Na watina o Ilisapeci ka dua vei ira na luvei Eroni.

⁶A rau sa yalododonu ena mata ni Kalou, ka sega ni rau cala ena nodrau muria nai vakaro ni Turaga kei na lawa buli tale eso.

⁷Ia sa sega na luvedrau, ka ni sa yava oilisapeci. Ka rau sa qase talega mai.

⁸Sa yaco vaka oqo, ena nona se veiqaravi sara tikoga ena cakacaka vakabete ena mata ni Kalou me vaka nai wasewase vakabete e kacivi kina,

⁹Ni wasewase vakabete e veiqaravi kina o koya, ea donui koya na madigi ena siga o ya, me na nona i tavi me vakama na ka boi vinaka ni sa curu kina nona valeni soro na Turaga.

¹⁰Ni sa kama tiko na ka boi vinaka o ira na lewe vuqa era sa tucake tu e tuba ka masu tiko.

¹¹A sa rairai vua e dua na agilosi ni Turaga, ka tucake tu ena yasana i matau ni vanua ka cabori tiko kina na ka boi vinaka.

¹²Ni sa raici koya o Sakaraia sa taqaya ka yacovi koya na rere.

¹³Ia sa tukuna vua na agilosi, "mo kakua ni rere Sakaraia, ni sa rogoci na nomu masu; na watimu o Ilisapeci ena vakasucuma e dua na luvemu tagane, mo vakayacani koya me o Joni.

¹⁴"Drau na reki ka marautaka sara vakalevu, ena lewe levu era na dua vata ena reki kei kemudou ni sa sucu mai.

¹⁵"Ni na dua o koya na tamata qaqa ena mata ni Turaga, ena sega ni gunu waini se wai vusoi kaukauwa. Ena curumi koya na Yalo Tabu mai na ketei tinana.

¹⁶"Ena levu na luvei Isireli ena veisautaki ira mai o koya ki vua na Turaga ka nodra Kalou.

¹⁷Ena dau liutaki koya ka curumi koya na yaloi Ilaijia kei na nona kaukauwa, 'ena veisautaka na yalodra na qase me vaka na gone.' Kei ira na lomaqa mera vuku ka savasava, ka me conaki ira vakavinaka na tamata ena nona na lako mai na Turaga."

¹⁸A sa tukuna o Sakaraia vua na agilosi, "ena rawa vakacava na ka oqo? Ni o au mada ga qo sa qase mai, ka vaka talega kina na watiqu ni sa qase."

¹⁹Sa tukuna vua na agilosi, ka vaka, oi au o "Kavirieli, ka'u sa dau tu ena mata ni Kalou, au sa talai mai kina oqo me'u mai tukuna vei iko nai tukutuku vinaka oqo.

²⁰"Ia ka raica, ena yacovi iko na galu mo sega ni vosa rawa me yacova ni sa vakayacori na veika oqo, baleta na nomu sega ni vakabauta na noqu vosa ni na yaco ga ena kena gauna sa lokuci tu."

²¹A ra sa waraki Sakaraia na tamata e tautuba, ka ra sa kidrowataka na balavu ni nona tiko ena vale ni soro.

²²Ia ni sa curu mai ki tautuba, a sa sega ni vosa rawa vei ira; a ra sa nanuma kina ni raica o koya e dua na raivotu mai na vale ni soro, sa sega ni vosa vei ira ka sa vosa tikoga na ligana.

²³E tiko tale o koya e kea me yacova ni sa oti na nona veiqaravi, a sa qai lako yani kina nona vale.

²⁴Ni sa oti na veisiga oqori a sa qai kunekune na watina oilisapeci; e vula lima na nona vunitaki koya tiko, sa tukuna,

²⁵"Au sa mai taura tu oqo nai sau ni veika rarawa au lako curuma mai, sa sega ni guilecavi au na Turaga, ena Nona sa mai kauta tani na noqu dau butuki sobu mai vei ira na tamata."

²⁶Ena kena i ka ono ni vula sa talai na agilosi o Kavirieli mai vua na Kalou, kina dua na koro mai Kaleli o Nasareci na yacana,

²⁷Ki vua e dua na goneyalewa sa duguci oti tu vua e dua na tagane, ka yacana o Joseva mai na kawa i Tevita. Na yaca ni goneyalewa qo o Meri.

²⁸A sa lako vua na agilosi, ka tukuna, "mo reki, o iko na ka vakamenemenei vua, sa tiko vata kei iko na Turaga; mai vei ira kece na yalewa o iko o sa kalouvinaka dina!"

²⁹Ia sa kurabuitaka o koya na ka e raica kei na nona saga me vakasotara vata nai valavala e a kidavaki kina.

³⁰A sa tukuna vua na agilosi, "mo kakua ni rere, Meri, sa nanumi iko tiko na Kalou.

³¹"Ka raica, o na kunekune e ketemu ona qai vakasucuma e dua na gonetagane, mo vakayacani koya o Jisu.

³²O koya ena cecere, ka na vakatokai na luvei Koya sa cecere sara; nai tikotiko vakatui nei Tevita na tamana ena solia vua na Kalou o Jiova.

³³"Na mataqali i Jekope ena lewa o koya ka sega mudu, na Nona matanitu ena sega ni dua na gauna me na la'ki cava kina."

³⁴A sa tukuna vua na agilosi o Meri, "ena rawa na ka oqo, ni se sega sara ga ni bau dua na tagane me keirau moce vata?"

³⁵Sa tukuna vua na agilosi ka vaka, ena lako mai vei iko na Yalo Tabu, na kaukauwa i Koya sa cecere sara ena vakayacora vei iko; o koya oqo na gone ena sucu e ka tabu ni sa vakatokai me Luve ni Kalou.

³⁶Ena gauna talega oqo sa kunekunetaka tiko kina o Ilisapeci na wekamu e dua na gonetagane, dina ni sa qase, io oqo sai ka ono tiko ni nona vula o koya ka a kilai tu ni yava.

³⁷"Ni sa sega ni dua na ka me dredre vua na Kalou."

³⁸Sa qai tukuna o Meri, "ka raica oi au na vada ni Turaga! Me yaco ga vei au me vaka na nomuni vosa, a sa qai lako tani mai vua na agilosi.

³⁹Ni oti na veisiga o ya sa cavu tu o Meri me lako vakatotolo yani ki loma ni vanua ki na dua na koro ena vanua o Jutia,

⁴⁰A sa la'ki curu sara ena vale nei Sakaraia ka kidavaki Ilisapeci yani.

⁴¹Na gauna sa rogoca kina oilisapeci na nona kidavaki koya mai o Meri, sa lade na gone e ketena; a sa curumi Ilisapeci na Yalo Tabu.

⁴²Ka sa tabalaka cake mai na domona vua, ka vaka, o sa vakalouvinakataki mai vei ira kecega na yalewa, ka vakasaututaki na vua ni ketemu!

⁴³"Ia A cava so o au, me mai sikovi au tu na tinana na noqu turaga?

⁴⁴"E a yaco dina, na gauna vata ga ka'u rogoca kina na nomu kidavaki au, a sa lade talega kina ena reki na gone e ketequ.

⁴⁵"Sa kalouvinaka o koya ni vakadinata na veika a sa vosa kina vua na Turaga, ni na yaco me na vakataucokotaki."

⁴⁶Sa qai tukuna o Meri: "Sa vakamuduo na lomaqu Vua na Turaga,

⁴⁷Kei na yaloqu sa rekitaka na Kalou na noqu I vakabula.

⁴⁸Ni bau kawaitaka tu e dua na vada lolovira; ka raica, ena veigauna mai muri era na dau tukuna na veitabatamata ni'u sa kalouvinaka.

⁴⁹Ni o koya sa kaukauwa sara sa vakayacora vei au e levu na veika lelevu, na ka tabu sa vakatokai kina o koya.

⁵⁰Ena vei tabatamata era rerevaki koya na nona yalololoma ena dau maroroi ira.

⁵¹Na Nona kaukauwa sa vakaraitaka e ligana; ena nona vakasesea na nanuma ni lomadra na viavialevu.

⁵²O ira na dau via dua na ka e biuti ira sobu mai na nodra dokai; qai laveti ira cake na sega tu ni dua na ka.

⁵³Sa dau vakamamautaki ira na via kana ena veika vivinaka, o ira na vutuniyanu e vakatalai ira ka sega ni dua na ka me solia vei ira.

⁵⁴O ira na Isireli na Nona tamata sa vukei ira, na Nona loloma ena dau nanuma tu ga.

⁵⁵Me vaka na dina ni Nona vosa vei ira na na noda qase, mai vei Eparaama kei ira na nona kawa me sega ni mudu."

⁵⁶E rauta ni tolu na vula na nona tiko e kea vata kei Ilisapeci o Meri, sa qai lesu tale ki nona vale. Sucu Nei Joni Na Dauveipapitaiso

⁵⁷A sa yacova sara tu ga oqo na siga i Ilisapeci me vakasucu kina, ka sa vakasucuma mai kina o koya e dua na gonetagane.

⁵⁸Ni ra sa rogoca na wekana kei ira na wekana voleka sara na nona loloma cecekia na Turaga vua, era sa duavata kei koya ena nona reki.

⁵⁹Ni sa i kawalu ni siga era sa lako mai vua na wekana me sa cilivi na gone; ka mera vakatokayacataka me rau sa veiyacani kei Sakaraia na tamana.

⁶⁰A sa tukuna o tinana ka vaka, "sega, sa na vakatokai me yacana o Joni."

⁶¹Ia era sa tukuna vua, "e sega ni dua vei ira na wekamu me vakayacani ena yaca oqo."

⁶²A ra sa vosa vagalu vei tamana “ se na yaca cava me vakayacani kina.

⁶³Sa kerea o koya e dua na vava ni volavola me kau mai vua, sa vola kina o koya na vosa oqo, "na yacana o Joni." A ra sa kurabui kece kina.

⁶⁴Ka sa vakasauri na kena sa tadola na gusuna ka tasere na wa ni yamena, ka sa vosa ena nona vakacaucautaka na Kalou.

⁶⁵O ira na tiko volekata nai tikotiko o ya sa tarai ira na rere; a sa kani veitalanoa ena loma ni vanua o Jutia na ka oqo.

⁶⁶Vei ira na rogoca nai tukutuku oqo era sa vakananuma e lomadra, ka vaka, "ena mataqali gone vakacava mada o koya?" Ni sa laurai e matanavotu na liga ni Turaga vua.

⁶⁷Na tamana o Sakaraia sa curumi koya na Yalo Tabu, a sa parofisai, ka vaka:

⁶⁸"Na Turaga me vakarokorokotaki na Kalou nei Isireli, ni sa lako mai me vakabulai ira na Nona tamata.

⁶⁹A sa vakatubura e dua nai vakabula kaukauwa mai na kawa i Tevita na Nona tamata,

⁷⁰Me vaka sa tukuna o koya ka ra vosataka mai o ira na Nona parofita tabu, mai nai vakatekivu kei vuravura,

⁷¹Ni da na vakabulai mai vei ira na keda meca kei na ligadra na sevaki keda,

⁷²E mai vakaraitaka na Nona yalololoma ni a yalataka mai vei ira noda qase, ka se nanuma tu ga nona veiyalayalati tabu.

⁷³Na bubului a vosa bubului kina o koya vei Eparaama na tamada:

⁷⁴Ka yalataka ni na sereki keda mai na ligadra na keda meca, ka meda qaravi Koya ena yalo e sega ni beitaki,

⁷⁵Me da savasava ka dodonu sara e matana ena veisiga kecega ni noda bula.

⁷⁶"O iko, na luvequ, o na vakatokai mo parofita i koya sa cecere sara; ni o na liu mo caramaka na Nona gaunisala na Turaga.

⁷⁷Mo tukuna vei ira na Nona tamata na sala ni nodra vakabulai, o ya na vakabokoci ni nodra i valavala ca,

⁷⁸Ena vuku ni Nona loloma sega yalani na noda Kalou, sa na cila wavolivoliti keda mai kina na rarama mai lagi;

⁷⁹Me vakararamataki o ira sa butobuto tu kei ira sa mate ni ra se bula lako, ka me tubera na yavada kina sala ni veivinakati."

⁸⁰A sa tubu cake na gone oqo me kaukauwa vakayalo, ka sa dau tikoga mai ena vanua liwa, me yacova ni sa qai vakaraitaki koya mai vei ira na Isireli.