[20] Vakaibalebale 5

¹Na luvequ, mo vakanamata ki na noqu yalomatua; mo vakarorogo, kina ka au sa kila,

²Mo taqomaka vinaka kina na lewa vinaka, ka maroroya na kila ka, na tebe ni gusumu.

³Na tebenigusuna na yalewa i valavala ca, sa drodro ka kamikamica me vaka na oni, na gusuna sa sivia na kena dravidravia mai na waiwai dina;

⁴Na kena i otioti sa gaga me vaka na duva, sa gata me vaka nai seleiwau bati rua.

⁵Sa lako sobu ki na mate na yavana, ka sa tatakube matua toka ki Eli na nona i kalawa.

⁶Kevaka o vakasamataka na nona bulaOsa sega ni tudei o koya, ka o sa sega ni kila.

⁷Mo dou rogoci au mada ragone, Kakua ni gole tani mai na vosa ni gusuqu.

⁸Lako tani vakayawa mai vua, kakua ni lako voleka ki na katuba ni nona vale,

⁹De, o qai solia na nomu dokai vua tale e dua; kei na nomu veiyabaki vei ira na tamata ca.

¹⁰De ra qai mamau na vulagi ena nomu i yau kei na nomu oca me nodra na kai tani;

¹¹O na qai tagi e muri, ni sa vesuki na yalomu kei na yagomu.

¹²O na tukuna, "Au a cata nai vakavuvuli, na yaloqu talega sa bese ni vakadodonutaki!

¹³Au sa sega ni via rogoca na vosa ni noqu qasenivuli, se me'u rogoca na vosa au a vakasalataki kina!

¹⁴Au sa volekata sara na i cavacava ni ca, ena kedra maliwa nai soqosoqo levu."

¹⁵Mo gunu wai ga mai na nomu i keli wai kei na wai drodro mai na nomu mata ni wai.

¹⁶E dodonu li, me wasei yani na nomu mata ni wai, me drodro yani kina na wai ena veisalatu?

¹⁷Rogoca, me nomu duadua ga, me kua ni nodra talega na vulagi.

¹⁸Me vuavuai na nomu mata ni wai, ka mo rekitaka na watimu ni cauravou.

¹⁹Me ka taleitaki ka matavinaka duadua vei iko o koya, na sucuna me sa vakamamautaki iko tikoga, ka mo ribariba tikoga ena nona veivakamareqeti.

²⁰Na cava tale mo vakamalaudetaki kina mai vua e dua na yalewa, se mokoti tale mai vua e dua tani na dauveicoriti?

²¹Na nona i valavala kece e dua na tagane sa tu ena mata i Jiova, ka sa vakaraica vinaka na nona i lakolako.

²²Sa soli ga vua na tamata me vaka na nona i valavala.

²³Ena mate na tamata me vaka na nona lecaika, na levu ni nona lialia, sa lako sese kina.