[20] Vakaibalebale 6

¹Kevaka o sa yalayala ena vuku ni kai nomu, ka sa veiyalayalati kei na kai tani,

²O sa na coriti ga ena vosa ni gusumu, o sa tauri ga ena vosa ni gusumu.

³Cakava oqo na luvequ, ka mo sereki iko kina; o sa vesuki tu ena ligadra na nomu i tokani: lako ka vakamalumalumutaki iko, ka vakamamasu vei ira.

⁴Mo kua ni moce, se, me bobo na matamu.

⁵Mo vakabulai iko me vaka e dua na luve ni me ena ligai koya na dauvakasasa, me vaka e dua na luve ni manumanu vuka ena ligai koya na dau tudai.

⁶Lako mada vei ira na qasivi o iko na vucesa, vulica na nodra i valavala mo yalomatua kina,

⁷Sa sega na nodra i liuliu.

⁸Sa vakarautaka na kena ena vula i katakata, sa kumuna na kena ena gauna ni tatamusuki.

⁹Me cava soti mada na dede ni nomu moce, o iko na vucesa? O na yadra mai ena gauna cava?

¹⁰Na moce, na sosovu, na roqo liga, na moce vakalevu.

¹¹E na kauta mai vei iko na dravudravua me vaka na daubutako kei na nomu vinakata na ka me vaka na tamata i valu sa via vala.

¹²Na tamata sega ni yaga, na tamata ca, sa lako tu ka gusu ca tikoga;

¹³Sa bobo vakamatai dua, sa vosa tiko na yavana, sa veidusi tiko ena nona i qaqalo;

¹⁴Sa veve tiko na yalona ka sa ca talega na lomana, sa kaburaka talega na veileti.

¹⁵E na lako vakasauri mai vua na ca, vakasauri talega ena lako mai na dredre, ka sega e dua me vakabulai koya rawa.

¹⁶E ono na ka sa cata o Jiova, io e vitu na ka sa vakasisila e yalona:

¹⁷Na mataviavialevu, na yame lasulasu, na liga sa vakadave dra tiko,

¹⁸Na yalo sa nakita tiko na ka ca kei na yalo sa ciciva tiko na ca,

¹⁹Na dautukutuku lasu kei koya sa kaburaka tiko na veileti.

²⁰Na luvequ, maroroya na i vakaro nei tamamu, kua ni biuta nai vunau nei tinamú.

²¹Vauca tikoga e lomamu, vesuka ki na domomu.

²²Ni o sa dau gade, ena tuberi iko; Ni o sa moce, ena maroroi iko; Ni o sa yadra, ena dau vosa vei iko.

²³Nai vakaro sa cina Nai vunau sa rarama Na vakadodonutaki ni vakavuvuli sai vakasala ni bula,

²⁴Mo maroroi mai na yalewa ca kei na nona vosa dauveitemaki.

²⁵Kakua ni kauta ki yalomu na kena i rairai vinaka se mo vesuki ena rai ni matana.

²⁶Vua na yalewa dautagane, na tagane sa vaka ga e dua na tiki ni madrai; na yalewa oqo ena vakacacana na nona ka kecega e vinaka na tagane.

²⁷E rawa beka ni dua na tagane me biuta e lomaserena e dua na bukawaqa, me sega ni kama na nona sote?

²⁸E rawa beka ni dua e butuka na qilaiso sa waqa tu me sega ni qesa na yavana?

²⁹Sa vakakina o koya sa veimoceri kei na watina e dua tale; o koya sa tara na yalewa o ya ena beitaki koya tiko na yalona.

³⁰E na sega ni cudruvi vakalevu o koya sa butako ni sa via kana dina, qai tobo;

³¹Ia, ni sa tobo dina, e dodonu me vakavitutaka lesu na kenai sau ni ka sa kania, ena rawa sara ga ni yali kina na nona ka kece.

³²O koya sa kune vata kei na yalewa tani sa sega vua na kila ka dina; sa vakarusa tiko ga na yalona.

³³Na mavoa kei na veibeci ena lakovi koya yani, kei na kena i rogorogo ena sega ni yali;

³⁴Na vuvu sa vakavuna na cudru katakata kei na cudru kaukauwa ni dua na tagane vakawati; sa sega vua na veivosoti.

³⁵E na sega ni vakadonuya e dua na ka ni veibuluti, se, me vakacegu ni sa mai soli vua nai solisoli loloma.