[19] Same 11

¹Kivei Jiova, au sa vakararavi kina; o sa tukuna vakacava ki na yaloqu, "Dro ki na ulunivanua me vaka na manumanu vuka"?

²Raica na tamata ca sa vakarautaka na nona dakai titi, na moto ni dakai sa taura tu, me ra lauvana vakailoa na tamata yalododonu sara.

³Kevaka sa talaraki na yavu, na cava era na kitaka rawa na yalododonu?

⁴O Jiova sa tiko ena Nona vale Tabu, o lomalagi sai tikotiko Tabu nei Jiova, sa rai tiko na Matana, na bekabeka ni Matana sa vakatovolei ira na luve ni tamata.

⁵O Jiova sa vakatovolei ira na yalododonu, ia, o ira na tamata ca kei ira sa vinakata nai valavala kaukauwa, sa cati ira o Jiova.

⁶Sa vakatauca na Kalou vei ira na tamata ca na qilaiso sa waqa tu e na bukawaqa, kei na cagi kama katakata tu, me kedra i votavota ena medra bilo.

⁷O Jiova sa dodonu sara, sa lomana na ka dodonu, na Nona yalo vinaka, sa dauvakaraici ira sa dodonu na yalodra.