[19] Same 12

¹Mo ni veivuke Jiova, e ra sa sega ni kune na tamata lotu dina: era sa yali na daudina mai vei ira na luveni tamata.

²O ira na veiwekani era sa dau veivosakitaka na ka wale; era sa dau veivosaki ena tebenigusu veivakaisini kei na lomalomarua.

³I Jiova mo ni tamusuka na tebenigusu e veivakaisini kei na yame sa cavuta na vosa dokadoka,

⁴O koya sa cavuta tiko na yame oqo ena toso ga; "na tebe ni gusu oqo sa noqu ga; ocei o Jiova vei keda?"

⁵"Na nodra vakalolomataki na dravudravua, na nodra vutugu na malumalumu, Au na tucake," sa tukuna o Jiova. "Au na maroroi koya mai vei ira kece sa dauveivakasasataki."

⁶Na vosa i Jiova sa savasava sara, me vaka na siliva sa saqa vakavitu ena kuro qele.

⁷I Jiova mo ni maroroi ira oqo; mo ni taqomaki ira mai na i taba tamata oqo, ka sega ni mudu.

⁸Ni ra sa vakalevulevui na tamata vakasisisla mai vei ira na luve ni tamata, era sa lako vakaveitalia na tamata ca.