[19] Same 13

¹I Jova, sa vakaevei, o ni sa guilecavi au beka me sega ni mudu? Me dede tiko vaka oqo na Nomuni vuni tiko?

²Au sa vakataroga tiko na yaloqu, me'u sa rarawa tiko li ena veisiga? Me dede tiko vaka oqo na nodra laveti na meca e mataqu?

³Jiova na noqu Kalou: mo ni nanumi au ka rogoci au, ni vakararamataka na mataqu, de'u moce, ka moce vakadua;

⁴De ra qai tukuna na kequ meca, "Au sa vakadrukai koya." De ra qai marau na dau vakaleqai au, ni'u sa yavalati.

⁵Ia, au sa vakararavi ga ki na Nomuni yalololoma; ena reki vakalevu na yaloqu ena Nomuni veivakabulai.

⁶Au na sere vei Jiova, ni sa rui levu na nona vinaka vei au.