[19] Same 14

¹Sa tukuna e lomana na tamata lialia, "E sega na Kalou." E ra sa tamata vakasisila, era sa sega ni yaga ena dua na cakacaka vinaka, ka era sa sinai e nai valavala e ca.

²O Jiova, sa rai mai lomalagi, ka vakaraici ira na luve ni tamata, me raica, ke sa dua na luve ni tamata sa kila ka, me vakasaqara na Kalou.

³Era sa vuki kecega, era sa dauveivesuki kecega, sa sega sara e dua sa cakava na ka vinaka, io, sa sega sara.

⁴Era sa sega beka ni vuku o ira nai valavala ca? Era sa kana tamata me vaka na kana madrai, sa sega e kaciva na Kalou?

⁵E ra sa rere vakalevu, ni sa tiko na Kalou kei ira nai Tabatamata yalododonu.

⁶Dou sa vakamaduataka na nodra vakasala na dravudravua, Ia sa nona i drodro na Kalou o Jiova.

⁷Io, na vakabulai nei Isireli, ena lako mai Saioni! Ni sa vakalesuya mai o Jiova na nona tamata era sa vakabobulataki tu, me reki o Jekope, me marau o Isireli.