[19] Same 15

¹I Jiova, o cei sa tiko vakadua ena Nomuni vale tabu? O cei sa tiko ena Nomuni ulunivanua Tabu?

²O koya sa lako vakadodonu, ka cakava na ka dodonu, ka sa vosa dina tiko mai na yalona;

³O koya sa sega ni vosa veicavilaki tiko, sa sega ni caka ca vua na wekana, a sega talega ni ia na veivakacacani;

⁴Na matana sa sega ni via raica na tamata ca, ia, sa dokai ira ga na tamata sa rerevaka na Kalou; sa sega ni veivutuni ni sa bubului oti;

⁵O koya sa sega ni solia nai lavo me levu na kena tubu, sa sega talega ni vakatara me ra vakalolomataki na lako vakadodonu. O koya sa cakava na ka oqo, sa tudei sara.