[19] Same 16

¹Mo Ni maroroi au na Kalou: ni'u sa vakararavi vei Kemuni.

²Au sa tukuna oti vei Jiova, "Oi kemuni na noqu Kalou: na noqu vinaka tu oqo, sa vu ga mai vei kemuni."

³O ira na yalosavasava e vuravura, "Era sa tamata vinaka sara, ka'u sa rekitaki ira duadua ga."

⁴Na rarawa sa na vakalevutaki vei ira sa ciciva na kalou tani: au na sega ni vakacabora na nodra i soro, se cavuti ira ena tebenigusuqu.

⁵Oi kemuni Jiova na i votavota ni noqu i tikotiko kei, na mequ bilo, o Ni sa vakadeitaka na noqu i yalayala.

⁶Na noqu i votavota sa rui vinaka, ni sa vakalutumi vei au na yalayala vinaka.

⁷Au na vakalouvinakataki Jiova o koya sa solia vei au nai vakasala; na yaloqu talega sa vakasalataki au ena bogi taucoko.

⁸Sa tu ga e mataqu o Jiova ena gauna kecega; ni sa ligaqu i matau o koya, ka'u na sega ni yavalati rawa.

⁹O koya oqo, sa marau tikoga kina na yaloqu, ka sa reki vakalevu tiko na utoqu mai loma; sa vakacegu tiko na yagoqu ena i nuinui.

¹⁰O Ni na sega ni vakarusai au se vakatara meu raica na veivakacacani, ni'u sa nanumi ka tabu.

¹¹O Ni sa vakaraitaka vei au na sala ni bula; na kemuni ukuuku sa sinai sara ena reki; na Ligamuni matau sa tu kina na malaude e sega ni mudu.