[19] Same 26

¹Ni vakadodonutaki au Jiova, ni'u sa muria tiko na dina. Au sa vakararavi talega vei Jiova, au na sega ni tidara kina.

²Ni vakaraici au Jiova, ka vakadinadinataka; Ni vakatovolea na lomaqu kei na yaloqu.

³Na Nomuni yalololoma vinaka sa tu e mataqu, ka'u sa lako voli ena Nomuni dina.

⁴Au na sega ni, dabe vata kei ira na dauqaravi matakau, se, lakovata kei ira na dauveivakasewasewani.

⁵Au sa cata nai soqosoqo ni tamata ca, kei na nodra i tikotiko na vakasisila.

⁶Au sa vuluvulu oti, me'u sa lako ga ki na Nomuni cabocabo ni soro Jiova,

⁷Me rawa ni'u na tukuna yani na domo ni vakavinavinaka, ka tukuna na Nomuni cakacaka sa rui veivakadrukai.

⁸Jiova, au sa rui domona ka lomana nai tikotiko ni Nomuni Vale Tabu, kei nai tikotiko ni Nomuni ukuuku.

⁹Me kua ni tiko na yaloqu kei ira nai valavala ca, se na noqu bula, vata kei ira na dau via gunu dra,

¹⁰Na ligadra sa sinai ena buki vere, na liga sa sinai ena veivakaqumi.

¹¹Ia, oi au, au na lako ena noqu dina; mo Ni vakabulai au, mo Ni yalololoma vei au.

¹²Sa tu na yavaqu ena vanua tautauvata; E nai soqosoqo levu au na vakavinavinaka vei Jiova.