Sálmarnir 46

¹Guð er oss hæli og styrkur, örugg hjálp í nauðum.

²(46:3) Fyrir því hræðumst vér eigi, þótt jörðin haggist og fjöllin bifist og steypist í skaut sjávarins.

³(46:4) Látum vötnin gnýja og freyða, látum fjöllin gnötra fyrir æðigangi hafsins. [Sela]

⁴(46:5) Elfar-kvíslir gleðja Guðs borg, heilagan bústað Hins hæsta.

⁵(46:6) Guð býr í henni, eigi mun hún bifast, Guð hjálpar henni, þegar birtir af degi.

⁶(46:7) Þjóðir gnúðu, ríki riðuðu, raust hans þrumaði, jörðin nötraði.

⁷(46:8) Drottinn hersveitanna er með oss, Jakobs Guð vort vígi. [Sela]

⁸(46:9) Komið, skoðið dáðir Drottins, hversu hann framkvæmir furðuverk á jörðu.

⁹(46:10) Hann stöðvar styrjaldir til endimarka jarðar, brýtur bogann, slær af oddinn, brennir skjöldu í eldi.

¹⁰(46:11) "Verið kyrrir og viðurkennið, að ég er Guð, hátt upphafinn meðal þjóðanna, hátt upphafinn á jörðu."

¹¹(46:12) Drottinn hersveitanna er með oss, Jakobs Guð vort vígi. [Sela]