Забур жырлары 129

¹Жастайынан көріп келген қыспағы Жайлы айтып берсін Исраил халқы:

²«Жастайымнан мол көрдім қыспақты, Алайда мені м��лдем жеңе алмады,

³Жон арқамда айдағандай соқаны Ұзынынан созылған атызы қалды.

⁴Бірақ Жаратқан Ие әділетті, Сұмдар салған кісеннен азат етті».

⁵Сионды жек көрген дұшпандарының Бәрі ұятқа қалып кері қайтсын,

⁶Өспей жатып бірден қурап қалатын Үй төбесіндегі шөпке олар ұқсасын:

⁷Орақшының қолы соған талмайды, Бау байлаушының құшағы да толмайды.

⁸«Жаратқан Ие сендерді жарылқасын, Бата береміз Жаратқанның атымен» Деп қастарынан өткендер тілемесін!