Забур жырлары 130

¹Ауыр жағдайымның тұңғиығынан, Уа, Жаратқан Ием, дауыстаймын Саған.

²О, Тәңір Ием, даусымды тыңдай гөр, Мінажатыма мені�� құлақ түре гөр!

³Ием, Сен күнәларды есіңнен шығармасаң, Кім алдыңда тірі қалар, уа, Жаратқан?

⁴Бірақ Сен кешірім беруге әзірсің, Содан бәрі Сені қастерлей берсін!

⁵Шын жүректен Иеме сенім артамын, Берген сөзіне үмітімді артамын.

⁶Күзетші күткендей таңның атуын, Қарауыл аңсағандай күннің шығуын, Жан-тәніммен Иемді күтіп сағынамын.

⁷Уа, Исраил халқы, сенім арт Жаратқанға, Рақым мен құтқаратын күш шексіз Онда.

⁸Бар күнәсінің құнын төлеп, Исраилді Құтқарып Жаратқан Ие азат етеді.