Забур жырлары 20

¹Қиын-қыстау кезде Ием саған құлақ салсын, Жақыптың Құдайы бар пәледен сақтасын,

²Ол киелі үйінен саған көмек жіберсін, Сиондағы тұрағынан нығайта көрсін,

³Бар сый-тартуларыңды ескере көрсін, Өртелген құрбандығыңа да риза болсын.

⁴Жүрегіңнің қалауын Құдай берсін, Бар ой-ниетіңді орындай көрсін.

⁵Сонда жеңісіңе қуана әндетеміз, Құдайымыздың атынан ту көтереміз, Тілектеріңді қабыл алсын Иеміз.

⁶Жаратқан Өзі тағайындаған Патшасын Аман сақтайтынын енді білемін, Жауап береді оған киелі көгінен, Құтқарады оны құдіретті қолымен.

⁷Кейбір ұлт мақтанады күймелерімен, Басқалар мақтанады тұлпарларымен, Ал біз мақтанамыз Құдай Иемізбен.

⁸Сол халықтар құлайды жығылып, Ал біз нық боламыз берік тұрып.

⁹Уа, Жаратқан, патшамызға жеңіс сыйлай гөр, Сиынған кезімізде құлақ сала гөр.