Забур жырлары 47

¹Күллі ұлттар, Құдайға қол соғыңдар, Шаттық үнмен дауыстап Оны мақтаңдар!

²Себебі Жаратқан — Хақ Тағала ай��атты, Ол — бүкіл жер бетінің ұлы Патшасы

³Бізге халықтарды бағындырады, Жау ұлттарды табанымызға салады.

⁴Үлесімізге таңдады Ол біз үшін Өзі сүйген Жақыптың мақтаулы елін.

⁵Құдай Ие халқының шаттық айқайымен Тұрағына көтерілді, һәм керней үнімен.

⁶Әндетіңдер, Құдайға ән-жыр шырқаңдар, Күй тартып та Патшамызды мадақтаңдар!

⁷Құдай — Патшасы күллі жер бетінің, Лайым Оған айтыңдар мадақтау жырын!

⁸Құдай халықтарға билігін орнатты, Киелі тағына Ол отырып алды.

⁹Басқа ұлттардың басшылары жиналар, Ыбырайым сиынған Құдайдың халқына қосылар, Өйткені Құдайдікі жер бетінің патшалары, Оның дәрежесі бәрінікінен де жоғары!