Забур жырлары 54

¹Уа, Құдай, ұлы атың үшін құтқара гөр, Зор құдіретіңмен мүддемді қорғай гөр!

²О, Құдайым, дұғама құлақ сала гөр, Аузымнан шыққан сөздерге көңіл бөле гөр!

³Бөгде адамдар маған қарсы шықты, Зорлықшыл сұмдар жанымды алмақшы, Олар еш ойламайды Құдай туралы.

⁴Алайда Құдай маған жар болады, Жаратқан Ие жан дүниемді нығайтады,

⁵Сұмдығының есесін жауыма қайтарады. Ием, адалдығыңа сай оларды талқандашы.

⁶Өз еркіммен Саған құрбандық шаламын, Уа, Ием, ізгі атыңа мақтау айтамын.

⁷Сен құтқарып алдың мені бар пәледен, Жауларымның жеңілгенін көрдім көзіммен.