Забур жырлары 6

¹Уа, Ием, маған ызаланып сөге көрме, Қаһарланып мені жазалай көрме.

²Әлсізбін, о, И��м, рақымды бола гөр, Дірілдеген денемді сауықтыра гөр.

³Жан дүнием қатты арпалысады, Жол бересің, уа, Ием, бұған қашанғы?

⁴Я, Ием, қайтып, жанымды құтқара гөр, Берік рақымыңмен аман сақтай гөр.

⁵Өлгендер Сені естеріне алмас, Көрдегілер Сені мадақтамас.

⁶Күрсіне ыңқылдап қатты шаршаймын, Түні бойы зар еңіреп жылаймын, Төсегімді көз жасыммен дымқылдаймын.

⁷Осы қайғымнан көзім солып қалды, Көп жауыма бола көруден қалды.

⁸Аулақ менен, бар зұлымдық жасайтындар! Ием құлақ түрді жылаған даусыма,

⁹Жаратқан естіді жалынышымды, Иә, Ием қабылдайды мінажатымды.

¹⁰Бар жауым үрейленіп масқаралансын, Кенеттен кері қайтып, қарабет болсын.