Yobu 35

¹Era nate Eriku n'addamu n'ayogera nti

²Olowooza ekigambo ekyo ye nsonga yo, Oba oyogera nti Obutuukirivu bwange businga obwa Katonda?

³N'okwogera n'oyogera nti Kirikugasa ki? Era nti Ndifuna magoba ki ge ndiba nago okukira ge nnandifunye singa nayonoona?

⁴Nze nnaakuddamu, Ne banno wamu naawe.

⁵Tunuulira eggulu olabe; Era ttunuulira eggulu erikusinga obugulumivu.

⁶Oba nga oyonoonye omukola ki? Okusobya kwo bwe kweyongerayongera, omukola ki?

⁷Bw'oba n'obutuukirivu, omuwa ki? Oba aweebwa ki mu mukono gwo?

⁸Obubi bwo buyinza okulumya omuntu nga ggwe bw'oli; N'obutuukirivu bwo buyinza okugasa omwana w'omuntu.

⁹Olw'okujoogebwa okungi ennyo bakaaba; Bakuba enduulu bayambibwe olw'omukono ogw'ab'amaanyi.

¹⁰Naye tewali ayogera nti Katonda Omutonzi wange ali ludda wa, Awa ennyimba ekiro;

¹¹Atuyigiriza okusinga ensolo ez'oku nsi, Era atuwa amagezi okukira ennyonyi ez'omu bbanga?

¹²Bakaabira eyo, naye tewali addamu, Olw'amalala ag'abantu ababi.

¹³Mazima Katonda taawulire bigambo ebitaliimu, So n'Omuyinza w'ebintu byonna tasseeyo mwoyo.

¹⁴Kale aliwulira atya bw'oyogera nti tomulaba, Ensonga eri mu maaso ge, naawe omulindirira?

¹⁵Naye kaakano kubanga tabonerezza na busungu bwe, So tassaayo nnyo omwoyo eri esukuti;

¹⁶Yobu kyava ayasama akamwa ke okwogera ebigambo ebitaliimu; Ayongerayongera ebigambo awatali kumanya.