Zabbuli 122

¹Nasanyuka bwe baŋŋamba nti Tugende mu nnyumba ya Mukama.

²Ebigere byaffe biyimiridde Munda mu miryango gyo, ggwe Yerusaalemi;

³Ggwe Yerusaalemi, eyazimbibwa Okuba ekibuga ekigattiddwa awamu:

⁴Ebika gye birinnya, bye bika bya Mukama, Okuba obujulirwa eri Isiraeri, Okwebazanga erinnya lya Mukama.

⁵Kubanga baateeka omwo entebe ez'okusalirako omusango, Entebe ez'ennyumba ya Dawudi.

⁶Musabirenga Yerusaalemi emirembe: Baliraba omukisa abakwagala.

⁷Emirembe gibeere mu bisenge byo, N'omukisa mu mayu go.

⁸Ku lwa baganda bange ne bannange Naayogera kaakano nti Emirembe gibeere mu ggwe.

⁹Olw'ennyumba ya Mukama Katonda waffe Naagezangako okukukola obulungi.