Zabbuli 14

¹Omusirusiru ayogedde mu mutima gwe nti Siwali Katonda. Bavunze, bakoze ebikolwa eby'obugwagwa; Siwali akola obulungi.

²Mukama yatunuulira ng'ayima mu ggulu abaana b'abantu, Okulaba nga waliwo abaategeera, Abaanoonya Katonda.

³Bonna bakyamye; boonoonese empitambi wamu; Siwali akola obulungi, newakubadde n'omu.

⁴Bonna abakola obutali butuukirivu tebalina magezi? Abalya abantu bange nga bwe balya emmere, So tebakoowoola Mukama.

⁵Eri baalina obuti bungi : Kubanga Katonda ali mu mirembe gy'abatuukirivu.

⁶Mukwasa ensonyi okuteesa kw'omwavu, Kubanga Mukama kye kiddukiro kye:

⁷Singa obulokozi bwa Isiraeri buvudde mu Sayuuni! Mukama bw'alizzaayo obusibe obw'abantu be, Yakobo n'alyoka asanyuka, Isiraeri alijaguza.