Zabbuli 7

¹Ai Mukama, Katonda wange, neesiga ggwe: Ondokole eri abo bonna abangoba, omponye:

²Aleme okutaagula emmeeme yange ng'empologoma, Okugitaagulataagula, nga tewali anamponya.

³Ai Mukama, Katonda wange, oba nga nakola bwe ntyo; Oba nga obutali butuukirivu buli mu mikono gyange;

⁴Oba nga namuwalana obubi eyali n'emirembe gye ndi; (Nedda, naye nawonya eyali omulabe wange obwereere:)

⁵Ankyawa ayigganye emmeeme yange, agituukeko: Anninnyirire obulamu bwange wansi mu ttaka, Asse ekitiibwa kyange mu nfuufu. (Seera)

⁶Golokoka, ai Mukama, mu busungu bwo, Weesimbe ku bukambwe obw'abalabe bange: Era onzuukukire; walagira omusango.

⁷Era ekkuŋŋaaniro ery'amawanga likwetooloole: Okomewo waggulu okubafuga

⁸Mukama aweereza omusango amawanga: Osale omusango gwange, ai Mukama, olw'obutuukiriw bwange n'amazima gange agali mu nze.

⁹Singa obubi obw'ababi buweddewo, naye abatuukirivu ggwe obanyweze: Kubanga Katonda ow'obutuukirivu ageza emitima n'emmeeme.

¹⁰Engabo yange eri ne Katonda, Alokola abalina omutima ogw'amazima.

¹¹Katonda ye musazi w'emisango omutuukirivu, Era ye Katonda alina obusungu buli lunaku.

¹²Omuntu bw'atakyuka, aliwagala ekitala kye; Aleeze omutego gwe, aguteeseteese.

¹³Era amuteekeddeteekedde ebintu ebitta; Emisaale gye agiteekako omuliro.

¹⁴Laba, alina olubuto olw'obubi; Weewaawo, eggwako lye lye ttima, era azadde obulimba.

¹⁵Yakola obunnya, yabusima, Era agudde mu lusalosalo lwe yakola.

¹⁶Ettima lye liriddira ku mutwe gwe ye, N'ekyejo kye kirituuka ku bwezinge bwe.

¹⁷Neebazanga Mukama olw'obutuukirivu bwe: Naayimbanga okutendereza erinnya lya Mukama ali waggulu ennyo.