Zabbuli 95

¹Mujje, tuyimbire Mukama: Tuyimbire n'eddoboozi ery'essanyu ejjinja ery'obulokozi bwaffe.

²Tujje mu maaso ge n'okwebaza, Tumuyimbire n'eddoboozi ery'essanyu ne zabbuli.

³Kubanga Mukama ye Katonda omukulu, Era Kabaka omukulu asinga bakatonda bonna.

⁴Enkonko z'ensi ziri mu mukono gwe; N'entikko z'ensozi nazo zizze.

⁵Ennyanja yiye, era yagikola; N'emikono gye gye gyabumba olukalu.

⁶Mujje, tusinze, tuvuuname; Tufukamire mu maaso ga Mukama Omutonzi waffe:

⁷Kubanga ye Katonda waffe, Naffe tuli bantu ba ttale lye, era endiga ez'omu mukono gwe. Leero, oba nga munaawulira eddoboozi lye,

⁸Temukakanyaza mitima gyammwe, nga e Meriba, Nga ku lunaku olw'e Masa mu ddungu:

⁹Bajjajja bammwe bwe bankema, Ne bangeza, ne balaba omulimu gwange.

¹⁰Emyaka amakumi ana nanyiikaalira ab'emirembe giri, Ne njogera nti Be bantu abakyama mu mutima gwabwe, So tebamanya makubo gange:

¹¹Kyennava ndayira mu busungu bwange, Nga tebaliyingira mu kiwummulo kyange.