Job 17

¹Roho wakwa nĩ mũcingĩrĩru, matukũ makwa namo magakĩmica; mbĩrĩra noyo ĩnjetereire.

²Aya twĩ nao anga to a kĩnyarari? ruurugĩ rũao noruo riitho rĩakwa rĩrona.

³Ta ngwatia ithaga rĩa atĩ nĩũgũtuĩka mũndũgamĩrĩri harĩ wee mwene, amu-rĩ, nũ ũngĩ ũngĩĩtĩkĩra kũng’athana na niĩ?

⁴Nĩ gũkorũo nĩũhithĩte ngoro ciao ũgerereri, magakĩũrũo nĩguo; na tondũ ũcio ndũkamatũũgĩria.

⁵Mũndũ wa gũcuka arata ake, matuĩke ta kĩndũ gĩa gwĩtahĩrũo-rĩ, maitho ma ciana ciake nĩmakamicĩrĩra.

⁶Niĩ-rĩ, nĩ gũtuwo nduĩtwo ta kĩgano harĩ kĩrĩndĩ, na ngatuĩka wa kũminjagwo mĩnyĩrĩ hatarĩ hitho.

⁷Maitho makwa makinyĩte kũira nĩ ũrĩa njikaraga o na mwĩthikĩro, na ciĩga ciakwa ciothe ihũthĩte o ta kĩĩruru.

⁸Andũ arĩa arũngĩrĩru no kũgegio nĩ ũhoro ũcio, mũndũ ũtarĩ na ũũru-rĩ, no kwambararĩra arĩa ithagathago.

⁹No rĩrĩ, mũndũ ũrĩa mũthingu no athiage na mbere arĩ o njĩra ĩo yake, ũcio wĩ na moko matheru-rĩ, hinya wake nĩ kwĩongerera ũrĩĩongagĩrĩra.

¹⁰Ta no gĩcokei ho, inyuothe, mũgĩũke rĩu; amu ndirĩ ndĩrona mũndũ mũũgĩ o na ũmwe harĩ inyuĩ.

¹¹Matukũ makwa nĩmarĩkĩtie kũhĩtũka, namo methugunda makwa nĩ gũtuĩkĩra matuĩkĩire, megereria marĩa maarĩ ngoro yakwa magathata.

¹²O nĩ kũgarũra mekũngarũrĩra ũtukũ ũtuĩke mũthenya, makanjĩra atĩ nduma nĩĩkuhanĩrĩirie na ũtheri.

¹³Ongorũo mũciĩ ũrĩa njĩrĩgĩrĩire ũtuĩke wakwa no kwa-ngoma, na akorũo kĩrumia gĩakwa ndĩkĩarĩire o kũu nduma-inĩ-rĩ;

¹⁴Ndagĩkorũo kũu rĩorero-inĩ ndĩkwĩrĩte atĩrĩ, Wee nowe baba, nakĩo kĩgunyũ ngakĩĩra, Wee nĩwe maitũ, o na nowe mwarĩ wa maitũ-rĩ,

¹⁵Kĩĩrĩgĩrĩro gĩakwa gĩkĩrĩ ha? kĩĩrĩgĩrĩro gĩakwa kĩngĩkĩonwo nũ?

¹⁶Nĩ rĩrĩ, nĩ kũharũrũka gĩkaharũrũka nginya o hingĩro-inĩ cia kwa-ngoma, o rĩrĩa tũkahurũkania tĩri-inĩ.